2 KIUTHSÜYUKHEAN 32:19 - AMÜSÜH HÜM CL Bible (BSI)

¹⁹ Arünü Jirusalem Thrünpuh dünkheak mihtsürü khahnü athsükhi lomi mihtsürü thrünpuhbo nangde asuk.

2 KIUTHSÜYUKHEAN 32:19 Iomraidhean Croise

1 KIULONG THSÜRÜ 20:28

Thrünpuh mihtsürü arü tüsho Israel kiulongthsüpuh ki tha, “Atungpuhnü ha thachoh: Tümütüsho Siriarünü thado, ‘Atungpuh a awungbo thrünpuh ah tüshe api a adükhünbo thrünpuh yung,’ jumonü inü ha boto ato alala nü khah ching jihbah, tüsho I Atungpuh de nünü amükheahbah.”

2 KIULONG THSÜRÜ 19:18

tüsho arü thrünpuhbo mihtsürü khahnü athsükhi sang tüsho lung mo ching takabahjih tüsho junangde arübo thsümünim.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 2:8

Arü lomi sangthsünü mide lah; arünü arü khahnü athsükhi, arü yingkhingbonü athsükhi ki khukningchoh.

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 10:3

Tümütüsho mihtsürü jipü-yakli amülimkhi lah: murung ching sangdung khülang kiushakdo, tüsho sangrhimosorü khahnü awü shuhbah rhimodo;

JEREMIA 10:9

Akingkhi shotoyinchi Tarshish chingnü handarü, tüsho Uphaz chingnü suna handarü. Arübo ju sangrhimosorünü rhimokhi tüsho sunakingrü khahnü arhimokhi; arü khimmih ju biyi tüsho mürümmuchu; arü alala ayeanzo rhimorünü arhimokhitkhi lah.

JEREMIA 32:30

Tümüde Israel mihtsürü tüsho Juda mihtsürünü arü athunuchokinü I miki amütsü lang rhimodo; Israel mihtsürünü tümü mürhimo tüshe arü khah rhimobonü I bukakhiukshihdo, Atungpuhnü thachoh.

EZEKIEL 25:8

Atungpuh Thrünpuhnü ha thachoh: Tümütüsho Moabnü tha, Juda yamkhün ju püpürü trükshihbo alala nangde lah,

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 4:28

Tüshe ju ching mihtsürü khahnü athsükhi, sang le lung, müngükhi yungsho musokhi, yungsho mütsühkhi yungsho mümünimkhi thrünpuhbo nüsanü tankihbah.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”