2 KIUTHSÜYUKHEAN 32:17 - AMÜSÜH HÜM CL Bible (BSI)

¹⁷ Kheaküshe apinü Atungpuh Israel Thrünpuh bahyukshihpü tüsho api azhihde kihüm thrütde tha, “Püpürü lomi ching trükshih thrünpuhbonü arü mihtsürü I khah chingnü mübekhitkhi nangde, Hezekia Thrünpuhnü api mihtsürü I khah chingnü mübekhit.”

2 KIUTHSÜYUKHEAN 32:17 Iomraidhean Croise

2 KIULONG THSÜRÜ 19:11

Kheahang, Asiria kiulongthsürübonü lomibo alala shahde thsümünimde arhimokhi nünü sodo. Nü atsokhitkhukba de?

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

2 KIULONG THSÜRÜ 19:14

Hezekianü yunithsürü khah chingnü kihüm leangkhi tüsho khe; jushu Hezekianü Atungpuh yam ching wutu tüsho Atungpuh miki trüna zo.

2 KIULONG THSÜRÜ 19:22

Shepü nünü keangrükhea tüsho mükhemürangkhea? Shepü azhihde nünü azhikhea tüsho nü mük zhipzhipde azüngkihkhea? Israel Amüsühbuh azhih!

2 KIULONG THSÜRÜ 19:28

Tümütüsho nü bukakhiukde I azhih tüsho nü mulong zhipzhipkhi I nükhün ching arüdo, inü I yo khoyang nü nupung ching yukjihbah tüsho I yo yinchikheam nü mün ching yukjihbah; inü nü arükhi limro lim rholoshihbah.

2 KIULONG THSÜRÜ 19:9

Küyimki kiulongthsüpuhnü Ethiopia kiulongthsüpuh Tirhaka dünkheak sokhea, “ Kheahang, nü bede thirithsüpü api tsahmusudo,” kheaküshe apinü yunithsürübo Hezekia kilim yüshihde tha,

2 KIUTHSÜYUKHEAN 32:14

I jirüpürünü shahde adükheakshihkhi trükshihbo thrünpuhbo bolung shepünü api mihtsürü I khah chingnü khümkhitkhukkhi, nüsa Thrünpuhnü I khah chingnü nüsa khümkhitkhukba?

2 KIUTHSÜYUKHEAN 32:16

Api yamlarübonü alübe thsüde Atungpuh , Thrünpuh tüsho api yamlarü Hezekia azhihde tha.

NEHEMIA 6:5

Tüshe Sanballatnü aphüngüpü yusheak ayamlarü thiyia amüshungkhi kihüm hanbah arüshih.

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

ISAIA 37:14

Hezekianü yunithsürü khah chingnü kihüm leangkhi tüsho khe; judüki Hezekianü Atungpuh yam ching wutu tüsho Atungpuh miki lokhita zo.

AMIKHEAKAKHIUKKHI 13:6

Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”