2 KIUTHSÜYUKHEAN 32:15 - AMÜSÜH HÜM CL Bible (BSI)

¹⁵ Kheakü jumonü, Hezekianü hanangde nüsa dümülapyukshih yungsho dübemüchihshih, tüsho api kheak dükin; tümüde tümü trükshih yungsho kiulongthsü thrünpuhnü api mihtsürü I yungsho I jirüpürü khah chingnü bekhitkhukde mülakheah. Nüsa Thrünpuhnü nüsa I khah chingnü dükde mübekhitkhuk!”

2 KIUTHSÜYUKHEAN 32:15 Iomraidhean Croise

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

2 KIULONG THSÜRÜ 18:29

Kiulongthsüpuhnü ha thachoh: ‘ Hezekianü nüsa rük dakishih, tümüde apinü nüsa I khah chingnü mübekhitkhuk.

2 KIULONG THSÜRÜ 19:10

“Nünü Juda kiulongthsüpuh Hezekia ki ha thaang: Jirusalem ju Asiria kiulongthsüpuh khah ching muyukjih de alokhikhi hode nünü düthsün angübuh nü Thrünpuhnü nü düthsungyukshih.

2 KIUTHSÜYUKHEAN 32:11

Nüsa khümzung tüsho kethürinü asheshihpü, Hezekianü nüsa ki, ‘Atungpuh isa Thrünpuhnü Asiria kiulongthsüpuh khah chingnü isa khümkhitbah?’ de thade bemüchihchoh yung de?

2 KIUTHSÜYUKHEAN 32:16

Api yamlarübonü alübe thsüde Atungpuh , Thrünpuh tüsho api yamlarü Hezekia azhihde tha.

ABEKHIT 10:10

Apinü anihbuh ki tha, “Inü nü tüsho nü khungarübo yüshih-a lasho Atungpuh nüsa lung lashang! Kümkangang, tümüde nüsa lüm ching amütsü lah.

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ISAIA 36:18

Atungpuhnü isa bekhitbah de Hezekianü thade nüsa dübemüchihshih. Trükshih thrünpuhbo khürünü arü lomi Asiria kiulongthsüpuh khah chingnü bekhitdo de?

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 8:11

Yinmi bonungrü yakzanshuhbuh she azhihde bukakhiukde rhimo; api kheaknü mutukzhakde taka kingaünkhi lude tso tüsho api arüngyam lahyuka bahjih.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.