2 KIUTHSÜYUKHEAN 31:8 - AMÜSÜH HÜM CL Bible (BSI)

⁸ Küyimki Hezekia tüsho atorübonü arübah amujungbo ngükhea, arünü A TUN GPU H shijih tüsho api mihtsürü Israel müngühjih.

2 KIUTHSÜYUKHEAN 31:8 Iomraidhean Croise

2 SAMUEL 6:18

Küyimki Davidnü taka kingaün tüsho mungtsü kingaün jihkhamkhea, apinü Wuto Atungpuh mung chingnü mihtsürübo müngühjih,

1 KIULONG THSÜRÜ 8:55

apinü zhip tüsho düsheak achangnü Israel boto alala müngühjih:

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

2 KIUTHSÜYUKHEAN 31:7

Khinu asampü ching arünü wumujungpü tankih, tüsho khinu thünepü ching ban.

2 KIUTHSÜYUKHEAN 31:9

Hezekianü amujungbo dünkheak amükeamrü tüsho Levirü ki keokhi.

2 KIUTHSÜYUKHEAN 6:3

Jushu kiulongthsüpuhnü rholo tüsho Israel amukhungrü alala zhipde alachoki arü alala müngühjih.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

MUNGSHIKHÜN 144:15

Mihtsürü sherü hadürü lalim ching lanü asühpü; mihtsürü sherü Thrünpuh ju Atungpuh lanü asühpü!

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

FILIPI 4:10

Nüsanü akheam ching I lümrhihkhi aso kamlokhi Atungpuh lung inü tode asühchoh; nüsanü I thsungkheak lümrhihde lado, tüshe nüsa kim müngüde lado.

FILIPI 4:19

Jisu Khrista ching api müretahkhi lakhit ayannü I Thrünpuhnü nüsa yihnüpü lüpdükhi jihbah.

1 TESALONIKA 3:9

Nüsa dünkheak isanü Thrünpuh miki asühde alümkhi alala thsungkheak isanü Thrünpuh miki makshe jihkhi tümü rhimokhukba?

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

MAHKHAPRÜ 5:9

I mulong ju mihtsürü bolung shuhmülanga jihrü Israel yakzanshuhrü lung lah. Atungpuh shiang!