2 KIUTHSÜYUKHEAN 31:3 - AMÜSÜH HÜM CL Bible (BSI)

³ Kiulongthsüpuhnü nihbuh alakukruk chingnü arung jihkhi ju taka kingaünbebo thsungkheak lakheah: yapsu le are tüsho amunibo, khinu aso, Atungpuh yakzan ching thrütkhi yande akhukhitkhi thüniobo thsungkheak taka kingaünbebo.

2 KIUTHSÜYUKHEAN 31:3 Iomraidhean Croise

1 KIUTHSÜYUKHEAN 26:26

Ha buh Shelomith tüsho akeoniorübo ju kiulongthsüpuh David guk ching akubo, chithürübo tüsho chibo torübo, tüsho bonungrü wühkenorübo amüsühkhit thsambahbo rahpung alala aheangrü lakheah.

2 KIUTHSÜYUKHEAN 30:24

Tümüde Juda kiulongthsüpuh Hezekianü amukhungrü kilim moshi 1000 tüsho namfimihnu 7000 kingaünpü thsungkheak jih, tüsho atorübonü amukhungrü kilim moshi 1000 tüsho namfimihnu 10,000 jih. Amükeamrübo arü hihde tsangkhit.

2 KIUTHSÜYUKHEAN 35:7

Judüki Josianü phungho-thünio ching kingaünpü thsüde mihtsürü alala kilim, namfimihnunu tüsho mihnu bolungnü anunu 30,000, tüsho moshi 3000 jih; harü ha kiulongthsüpuh alakukruk chingnü alakheah.

EZEKIEL 45:17

Tüshe taka kingaün, hi kingaün, tüsho ayungbe kingaün, thüniobo, khinu aso, amunibo, Israel yamkhün yo akhukhitkhi thünio alala ching thsungkheaknü kiulongthsüpuh rhimo ha labah: apinü neak kingaün, hi kingaün, taka kingaün tüsho mungtsü kingaünbo Israel dünthsükhipü jihbah.

WÜHKHE 28:1

Atungpuhnü Mosa ki tha,

WÜHKHE 29:29

Athuruk nipü moshipung 8, namfimihnupung 2, tüsho kam khülang bankhi namfimihnunu 14 lapha mükihkhi jihang,