2 KIUTHSÜYUKHEAN 31:21 - AMÜSÜH HÜM CL Bible (BSI)

²¹ Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

2 KIUTHSÜYUKHEAN 31:21 Iomraidhean Croise

1 KIULONG THSÜRÜ 2:4

Judüki apinü I dünkheak asukkhi Atungpuhnü api yubo zobah: ‘Nü tsühsoniusobonü arü mulong athrünkhinü tüsho arü me athrünkhinü I miki thiyuronü nihbuh limro ching anide tsahsho, Israel kiulongthsü-binkiu kheak nü müthrirü mülade müthsü.’

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

1 KIUTHSÜYUKHEAN 22:19

Kheakü nüsa lümkhi tüsho mulong Atungpuh nüsa Thrünpuh yimpü zoang. Junangde Atungpuh Thrünpuh arüngyam thsümusuang, tüsho Atungpuh tangzüng sangdan tüsho Thrünpuh yo amüsüh kukrukbo Atungpuh mung ching thsükhi yam ching hande yüzahbah.”

2 KIUTHSÜYUKHEAN 14:6

Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 14:7

Apinü Judarü ki tha, “Isanü harü kiutobo thsanü, tüsho ju rhübo, aheangsadambo, ripitbo tüsho akhrihbebonü mükamdoanü; alomi ju kheaküshe isa yo ah tümütüsho isanü Atungpuh isa Thrünpuh yimdo; isanü api yim, tüsho apinü isa kilim thrip abande mungtsü jih.” Jumonü arünü thsü tüsho akuk ngü.

2 KIUTHSÜYUKHEAN 20:26

Nimung phüyi nipü arünü Beraka jindükhün ching mukhung, tümüde ju ching arünü Atungpuh shijih; jumonü ju dangpung ki khihni khiungde Beraka jindükhün de ajikheah.

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

MUNGSHIKHÜN 119:2

Shepü api yukhümbo zocho, shepü mulong athrünkhinü api yimchonü müngühmühi!

MÜCHITMUDU 3:10

junangde nü jakambo muzhomopungkhinü amikhiukbah, tüsho yukhu asonü nü keluhbo zhikhiukbah.

MÜCHITMUDU 3:9

Nü lakhitbo tüsho nü rünkihkhi alala akhuh asokhibonü Atungpuh wüntre jihang;

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

JEREMIA 29:13

Nüsanü küyimki I yimbanü, nüsanü I ngübah; nüsanü nüsa mulong athrünkhinü I yimsho,

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

YUZÜNGTHALO 29:9

jumonü ha tangzüngkhi yubo zoang tüsho rhimoang, junangde nüsanü arhimokhi alala ching alü thsübah.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.