2 KIUTHSÜYUKHEAN 31:14 - AMÜSÜH HÜM CL Bible (BSI)

¹⁴ Levirü Imna tsührü Kore, aniakhiuklim ripit neakbuh ju Thrünpuh kilim mulongkhi kingaün, Atungpuh thsungkheak arung hanmukhunga zokhi shihcham thsüpü tüsho khide amüsüh kingaünkhibo rhimopü lakheah.

2 KIUTHSÜYUKHEAN 31:14 Iomraidhean Croise

THRÜNTAN 46:17

Asher tsührübo Imna, Ishva, Ishvi, Beria, tüsho arü niurü alibe Sera. Tüsho Beria tsührübo Heber le Malkiel.

1 KIUTHSÜYUKHEAN 26:12

Harü ripit neakrübo arü limberübo ayannü achamnakkhi ha arü keoniorübonü arhimokhi nangde Atungpuh yam ching tankihpü lakheah;

1 KIUTHSÜYUKHEAN 26:14

Aniakhiuklim thsungkheak zan ju Shelemia kheak akhiuk. Arünü api tsührü Zekaria, ayiukdak lümthiyan jihrü thsungkheak she azan thsü, tüsho api zan ju dukulim thsungkheak akhiuk.

1 KIUTHSÜYUKHEAN 26:17

Aniakhiuklim nimung abande Levirü 6 lakheah, dukulim nimung aban 4, düjinglim nimung aban 4, kheaküshe, kim khülang ching kukruk zowupung mahnene;

2 KIUTHSÜYUKHEAN 31:13

Jehiel, Azazia, Nahath, Asahel, Jerimoth, Jozabad, Eliel, Ismakia, Mahath tüsho Benaia arü she Konania tüsho api niurü Shimei rungde akheahrü thsüpü, kiulongthsüpuh Hezekia tüsho Thrünpuh yam atobuh Azaria hode mokhit.

2 KIUTHSÜYUKHEAN 31:15

Eden, Miniamin, Jeshua, Shemaia, Amaria, tüsho Shekania arünü amükeamrü kiutobo ching, arü buhtsührü, ashinbuhrü tüsho athunu kilim rukhühnü achamnakbo yande shihchambo chamjihpü ching thülünde api rung,

EZRA 1:4

Tüsho sherübo kürü ching tsode yünü lanü Jirusalem ching lakhi Thrünpuh arüngyam thsüpü thsungkheak nihbuh lapung mihtsürübonü api kilim shotoyinchi, suna, kukrukbo tüsho shiwühbo, tüsho arung kingaünbo jihshang.”

EZRA 3:5

Ju dunglim arünü mutuklode taka kingaün tüsho khinu aso le akhukhita lakhi Atungpuh thünio kingaün, kheaküshe mihtsürü aban nihbenü amulongkhi kingaünbo Atungpuh kilim jih.

EZRA 7:16

Babilon kiuthsübo chingnü suna tüsho shotoyinchi thremukhungkhi tüsho Israelrü le amükeamrübonü Jirusalem ching arü Thrünpuh arüngyam thsungkheak mulongde kingaünkhibo she hanang.

NEHEMIA 13:13

Zowupung khiungshak ching kheahshihpü ju inü mihtsürü harü mokhit: Shelemia amükeambuh, Zadok athrütbuh; tüsho Levirü Pedaia. Mattania tsührü Zakkur tsührü Hanan arü rungshihpü mokhit. Rukhüh rhimorü ki thiyuronü tsühyungpü chamachihbah de harü kheak inü mulonglam; tüsho keoniorü ki rhimo chamachihpü ju arü rhimo lakheah.

MUNGSHIKHÜN 119:108

Inü makshe tamkhüntamnükhi leangkhijang, O Atungpuh , tüsho I ki nü yukhümbo thsangyuang.

LEVI 2:10

Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.

LEVI 22:18

Aron le atsührübo tüsho Israel mihtsürübo ki thaang, Küyimki Israel yamkhün khürü yungsho Israel lung larü khiungkerünü kingaün jihbanü, alokhikhi shakpü yungsho mulongde Atungpuh kilim taka kingaünpü thsüthsü,

LEVI 23:38

Harü kingaünbo ha Atungpuh amuni kingaün, nüsa thsambahbo, nüsanü thiyuchihchimkhi kingaün tüsho mulongde jihchungkhi kingaünbo Atungpuh kilim jihkhi bolung yukrude ajihbe lah.

LEVI 27:28

Tüshe mihtsürübonü Atungpuh kilim kingaünkhi, mihtsürü yungsho shiwüh, yungsho yamrüplurüp lukhi thulu thsüthsü, müyinkhuk yungsho mürhokhitkhuk; shuhmülanga jihkhi kukruk abannü Atungpuh kilim khide amüsüh lah.

WÜHKHE 29:39

Harü ha nüsa thiyuchihchim kingaün tüsho arung kingaün jihkhi lungnü taka kingaün tüsho hi kingaün, ayungbe kingaün tüsho mungtsü kingaünbo thsüde akhukhitkhi thünio kimbo ching nüsanü Atungpuh kilim jihang.

YUZÜNGTHALO 12:17

Nüsanü nüsa hi thürü shihcham yungsho yukhu yungsho oliv müdangke yungsho moshi le mihnu akhuh adrekhi yungsho thiyuchihchimkhi kingaün, yungsho mulongkhi kingaün yungsho nüsanü arung kingaünkhibo nüsa kiutobo chingnü dütsüh;

YUZÜNGTHALO 12:6

Ju ching nüsanü taka kingaünbe, shuhmülanga kingaünbe, thürü shihchambo, büthsüde kingaünbe, thiyuchihchimkhi kingaün, amulongkhi kingaün tüsho moshi le mihnu bolungnü akhuh adrekhibo hanbah arang;

YUZÜNGTHALO 16:10

Tüsho Atungpuh nüsa Thrünpuhnü amüngühjihkhi chingnü salade nüsanü kingaün jihkhinü yimlukhi thünio ju mungang.