2 KIUTHSÜYUKHEAN 31:1 - AMÜSÜH HÜM CL Bible (BSI)

¹ Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

2 KIUTHSÜYUKHEAN 31:1 Iomraidhean Croise

THRÜNTAN 19:15

Küyimki ayinkhikheanü, yunirübonü Lot ki niokheampü tha, “Asürang, nü niube le nü tsührübe mahne ha ching lakhi bea lung, jude yungsho kiuto thsümüchikhi ching nüsa aniuabahbah.”

2 KIULONG THSÜRÜ 17:2

Apinü Atungpuh miki amütsü rhimo, tütüshe api müngüh larü Israel kiulongthsürübo nangde yung.

2 KIULONG THSÜRÜ 18:22

Tüshe nünü I ki, ‘Isanü Atungpuh isa Thrünpuh kheak düthsün angübah,’ de thacho ju Hezekianü achang dangpungbo luka bahde Juda tüsho Jirusalem ki, ‘Nüsanü Jirusalem ching ha kingaün sadam miki kingaünbeah’ de athakhi thsü yung de?

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIUTHSÜYUKHEAN 14:2

Asanü Atungpuh api Thrünpuh miki atsü tüsho alungki rhimo.

2 KIUTHSÜYUKHEAN 14:3

Apinü khiungkerü kingaün sadambo tüsho achang dangpungbo lude tso, dungjingbo kingkheam, Ashera thrünbebo kiukheam,

2 KIUTHSÜYUKHEAN 23:17

Jushu mihtsürü alala Baal arüngyam ching yü, tüsho ju thokheam; api kingaün sadambo le api sangthsübo arünü adütre kamde yihthünak, tüsho arünü Baal yo amükeambuh Mattan, kingaün sadambo mikinü laksah.

2 KIUTHSÜYUKHEAN 32:12

Ha Juda tüsho Jirusalem ki, ‘Nüsanü kingaün sadam khülang miki kingaünbah, tüsho nüsanü ju kheak rhümthüneabe takbah’ de thade api achang dangpungbo tüsho kingaün sadambo hande atsokhi Hezekia yung de?

2 KIUTHSÜYUKHEAN 33:3

Tümüde apinü abuh Hezekianü thokheamkhi achang dangpungbo thsülo, tüsho Baalbo kilim kingaün sadambo thsü, Ashera sangthsübo thsü, chiningbo kingaün tüsho arübo tankih.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

ISAIA 17:8

arünü arü khahnü athsükhi kingaün sadambo mükheah, tüsho arünü arü yingkhingbonü athsükhi, Ashera sangthsü yungsho rhümthüneabe kingaün sadam wüntre müjih.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.