2 KIUTHSÜYUKHEAN 30:8 - AMÜSÜH HÜM CL Bible (BSI)

⁸ Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 30:8 Iomraidhean Croise

2 KIULONG THSÜRÜ 23:26

Judüalalashe, Manasenü abukakhiukshihkhi alala dünkheaknü Juda azhihde api bukakhiukkhi chingnü Atungpuhnü murholo.

1 KIUTHSÜYUKHEAN 29:24

Limberü alala, amüzhak thirithsürübo tüsho kiulongthsüpuh David tsührübo alalanü kiulongthsüpuh Solomon ki thiyuronü alapü thiyuchihchim.

2 KIUTHSÜYUKHEAN 28:11

Kheakü I ki aniang, tüsho nüsa keoniorü bolungnü rama lukhi alode yüshang, tümüde Atungpuh bukakhiukkhi amüzhak nüsa kheak lah.”

2 KIUTHSÜYUKHEAN 28:13

tüsho arü ki tha, “Nüsanü aramrü ha ching bede marübeah, tümüde kheakü isa kheak neakbo tüsho amülim lakhi kheak khiode Atungpuh azhihde isa kheak amülim hande arüpü lümlah. Tümüde isa amülim lakhi ato kamdo, tüsho Israel azhihde bukakhiukkhi amüshak lah.”

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

2 KIUTHSÜYUKHEAN 36:13

Apinü Thrünpuh mung ching anihbuh ki thiyuchihchimshihkhi kiulongthsüpuh Nebukednezar kheak she azhih, apinü anihbuh hung chungthülang tüsho Atungpuh Israel Thrünpuh kilim rholopü api mulong müküpde kam.

2 KIUTHSÜYUKHEAN 6:5

‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

EZRA 10:14

Thrünpuh bukakhiukkhi isa kheaknü mutsoloyi khiungde, isa torübonü Jirusalem ching mukhungbah isa boto thsungkheak akeanangshang; tüsho shepü khiungkeberü lulanü kim dükdü ching limberübo le kiuto mahkhaprü lung arüshang.”

EZRA 10:19

Arünü arü niuberü bahpü thiyuchihchim, tüsho arü neak dünkheak namfimihnupung khülangnü kingaün.

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 68:24

I Thrünpuh, I kiulongthsüpuh arüngakopung ching dungde ayüzahkhi arünü ngüdo, O Thrünpuh.

MUNGSHIKHÜN 68:31

Limberübo Ijip chingnü akhiukbah; Ethiopianü nahde anihbe khahbo Thrünpuh kilim chungkihbah.

MUNGSHIKHÜN 73:17

Thrünpuh arüngakopung ching I yüzahkhi khiungde; judüki mihbukmuyuk kheak tümü dünjibanü inü mükheah.

MUNGSHIKHÜN 78:49

Apinü arü bolung athsümünim yunirü arüshihbah arü kheak api mulong zhipzhip, bukakhiuk, tüsho küpkhuk yükihshih.

ABEKHIT 32:9

Tüsho Atungpuhnü Mosa ki tha, “Inü ha mihtsürübo ngüdo, tüsho arübo anihnih mihtsürü ah.

JEREMIA 50:15

Thrip alala chingnü anihbe azhihde ahoang, “Anihbenü khah shuhkihabahdo; anihbe khimtanbo keamdo, anihbe chipibo thokheamdo.” Tümüde ha Atungpuh royimkhi lah: anihbe kheak royimang, anihbenü rhimokhi nangde anihbe ki rhimoang.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

ROMRÜ KILIM PAULNÜ ATHRÜTKHI KIHÜM HUHTANYU 10:21

Tüshe Israel dünkheak apinü thachoh, “Mihyumanirü tüsho azhih mihtsürü kilim inü nimung amuyung I khah chungkih.”

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

YUZÜNGTHALO 10:16

Jumonü nüsa mulong tsütabahang, tüsho kheaküa nihnihde düla.

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.