2 KIUTHSÜYUKHEAN 30:6 - AMÜSÜH HÜM CL Bible (BSI)

⁶ Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

2 KIUTHSÜYUKHEAN 30:6 Iomraidhean Croise

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

1 KIUTHSÜYUKHEAN 5:26

Jumonü Israel Thrünpuhnü Asiria kiulongthsüpuh me (Tiglath-pileser) thurumusujih, tüsho apinü Reubenrü, Gadrü, tüsho Manase trük chamkhüh Hala, Habor, Hara, tüsho Gozan ayung ching hande yünü kamruhroro laabahshih.

2 KIUTHSÜYUKHEAN 28:20

Jumonü Asiria kiulongthsüpuh Tiglath-pilesernü api azhihde arü, tüsho arungpü müthri api junoabah.

ESTER 3:13

Yunithsürünü thiyusheak alala ching hanbah yü. Athrütkhi ching ju, ha Adar khinu thürükheak mahsam nipü, Jihudarü alala–athunu tüsho azorü, aliberü tüsho azürü alala laksahkhambah de zahbah alakheah. Arübo ju amuzho mülade alaksahbah tüsho kukrukbo she alujihbah de thrütyuk.

ESTER 8:14

Kiulongthsüpuhnü thiyukhüm jihkhi nangde, khoraberübonü alü shande be. Thiyuzüng ju Susa kiuying ching boto ki she ahiuh.

JOB HU H T ANYU 9:25

I nimungbo a alihrü kheaknü athribe; arübo shande tsoabahchoh, arünü tümü atsü müngü.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

JEREMIA 29:1

Ha Nebukednezarnü Jirusalem chingnü ramtso ching hande ayürü, ramtsorü bolung aningkhi azothsürübo, amükeamrübo, wukihrübo, tüsho mihtsürü alala kilim wukihbuh Jeremianü Jirusalem chingnü thrüta yüshihkhi yubo ah.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 51:31

Alihrü khülangnü püpürü shorupü tüsho yunithsürü khülangnü püpürü shorupü, api kiuto akheamnü akheam khiungde alukhi Babilon kiulongthsüpuh ki thapü alihchoh:

TÜZHOKHI 3:40

Isanü isa limrobo ajamakheahanü tüsho jurü rükakiakheahanü, tüsho Atungpuh kilim rholoanü.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.