2 KIUTHSÜYUKHEAN 30:27 - AMÜSÜH HÜM CL Bible (BSI)

²⁷ Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

2 KIUTHSÜYUKHEAN 30:27 Iomraidhean Croise

1 KIULONG THSÜRÜ 8:30

Nü yamlarü tüsho nü mihtsürü Israelnü ha yam lim zhoshede tamkhüntamnüchoki sojang; O nü lapung yinmi chingnü sojang; sojang tüsho neak bahjang.

1 KIULONG THSÜRÜ 8:39

judüki nü lapung yinmi chingnü sojang, neak bahjang, rhimoang, tüsho nünü mulong mükheahkhi alala ki arü thülünkhi ayannü rungang, tümüde mihtsürü mulong abande tümü lanü nünü lang mükheahlah,

2 KIUTHSÜYUKHEAN 23:18

Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 6:21

Tüsho nü yamlarü le nü mihtsürü Israelnü ha dangpung lim tamkhüntamnüchoki arünü mushukhi nü lapung yinmi chingnü sojang; sojang tüsho neak bahjang.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

ABEKHIT 39:43

Atungpuhnü thiyukhüm jihkhi nangde arü rhimobo Mosanü kheahkham, jumonü Mosanü arü müngühjih.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

YUZÜNGTHALO 26:15

Nü lapung amüsüh yinmi chingnü abinkhia kheahang, tüsho nü mihtsürü Israel tüsho nünü isa jipürü kheak thiyuchihchimkhi nangde, nünü isa kilim jihkhi, niuhke tüsho mukhuke bukkhi lomi müngühjang.’