2 KIUTHSÜYUKHEAN 30:22 - AMÜSÜH HÜM CL Bible (BSI)

²² Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

2 KIUTHSÜYUKHEAN 30:22 Iomraidhean Croise

THRÜNTAN 50:21

Jumonü kheakü, dütre; inü nüsa le nüsa tsührübo thsungkheak jihchungbah.” Apinü arü mulong shukheam tüsho arü ki muzhode asuk.

2 KIUTHSÜYUKHEAN 15:3

Kim ashangkhüh Israel a thiyuro Thrünpuh mübede, thsangyurü amükeamrü mübede, tüsho yakzan mübede alakheah;

2 KIUTHSÜYUKHEAN 17:9

Arünü arü lung Atungpuh yakzan hüm shuhbah Juda kiutobo alala ching yü tüsho mihtsürübo ki thsangyu.

2 KIUTHSÜYUKHEAN 32:6

Apinü thirithsürü wühkenorübo ju mihtsürübo kurungkheak mokhit, tüsho arübo kiuto ripit ki wungdo ching rukhüh bemukhung tüsho arü ki mulongtoyu asuk,

2 KIUTHSÜYUKHEAN 35:3

Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

EZRA 10:11

Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

EZRA 7:25

“Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

EZRA 8:18

Thrünpuh mihmüthsüm hode Israelrü Levi tsührü Mahli yamkhün chingnü khiukchim mihtsürü Sherebia arüshih, api lung atsührü athrürü 18 tüsho keoniorübo she arü.

NEHEMIA 8:18

Thünio atan ninü akheam khiungde nimung aban apinü Thrünpuh yakzan hüm chingnü khe. Arünü nimung thüne arüng, tüsho yakzan ching lakhi yande nimung atizheah ni akheam arüng münchi mung.

NEHEMIA 9:3

Kimkhü 3 bande arü ki Atungpuh arü Thrünpuh yakzan kheyuk, jushu kimkhü 3 arü neak alokhide Atungpuh arü Thrünpuh kingaün.

MÜCHITMUDU 8:6

Aniang, tümüde inü athudakkhibo asukbah, tüsho I münküpbo khimshuhkhi chingnü alungki arübah;

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”