2 KIUTHSÜYUKHEAN 30:21 - AMÜSÜH HÜM CL Bible (BSI)

²¹ Jirusalem ching lakhi Israel mihtsürübo tode asühachihde phaüm muyukkhi yikhap thünio nimung thüne mung; tüsho Levirü le amükeamrübonü Atungpuh yo kingzükingdobe bebah nimung abande Atungpuh mung shi.

2 KIUTHSÜYUKHEAN 30:21 Iomraidhean Croise

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 30:11

Asher, Manase, tüsho Zebulun chingnü lang arü anükhüh azhihayihde kam tüsho Jirusalem lim arü.

2 KIUTHSÜYUKHEAN 30:26

Jirusalem ching asühachihkhi ato lakheah, tümüde Israel kiulongthsüpuh David tsührü Solomon kim chingnü Jirusalem ching ha ruk mülaakheah.

2 KIUTHSÜYUKHEAN 35:17

Israel mihtsürübo bede alarünü ju kim ching phunghothünio tüsho phaüm muyukkhi thünio nimung thüne mung.

2 KIUTHSÜYUKHEAN 7:10

Khinu thüne nimung mukukheak mahsam nipü, Atungpuhnü David tüsho Solomon le api mihtsürü Israel kheak atsü huhkhi hode apinü mihtsürübo asühachihde tüsho me atsü chingnü arü khimyam lim yüshih.

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

NEHEMIA 8:17

Ramtso chingnü alunglorü alalanü yünshim thsübah ju ching la; tümüde Nun tsührü Jihusua kim chingnü rhimode arüchoki Israelrünü ha ruk nioa mükheah. Tüsho arü asühachihkhi ju ato lakheah.

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 13:6

Nimung thüne nüsanü phaüm muyukkhi yikhap tsühbah, tüsho athüne nipü Atungpuh kilim thünio labah.

LEVI 23:6

Tüsho ju khinu nimung thürükheak phüngü nipü ju phaüm muyukkhi Atungpuh thünio labah; nüsanü nimung thüne phaüm muyukkhi yikhap tsühbah.

LUKNÜ ATHRÜTKHI THIYUSHEAK-ATSÜ HUHTANYU 2:43

küyimki thünio akheam thsükhea, arü alode arüchoki, azübuh Jisu a Jirusalem ching tukloa la. Api bebuhrünü ju mümükheah,

LUKNÜ ATHRÜTKHI THIYUSHEAK-ATSÜ HUHTANYU 22:1

Kheakü phungho-thünio de ajikhi phaüm muyukkhi yikhap thünio khiungde arü.

LUKNÜ ATHRÜTKHI THIYUSHEAK-ATSÜ HUHTANYU 22:7

Judüki phungho-thünio namfimihnunu laksahpü phaüm muyukkhi nimung arü.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

YUZÜNGTHALO 16:14

tüsho nü le nü tsührü tüsho tsührübe, nü yamlabuhrü tüsho yamlaberü, Levirü tüsho nüsa chipimurung khüp lakhi hanrü, mürerü tüsho khimoberünü thünio jimpung thsakhamkhi ching asühachihang.

FILIPI 4:4

Atungpuh lung kamruhroro asühang; inü thalochoh, asühang.