2 KIUTHSÜYUKHEAN 30:15 - AMÜSÜH HÜM CL Bible (BSI)

¹⁵ Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

2 KIUTHSÜYUKHEAN 30:15 Iomraidhean Croise

2 KIUTHSÜYUKHEAN 29:15

Arünü arü keoniorü bemukhungbah arübo tsangkhit, tüsho Atungpuh yubo yande, kiulongthsüpuh yukhüm anide A TUN GPU H yam müsühkhitpü yüzah.

2 KIUTHSÜYUKHEAN 29:32

Amukhungrünü taka kingaünpü handarükhi khekhi ju moshi 70, namfimihnupung 100, tüsho namfimihnunu 200; harü alala Atungpuh kilim taka kingaünpü thsungkheak lakheah.

2 KIUTHSÜYUKHEAN 29:34

Tüshe amükeamrübo khide nük tüsho taka kingaünpü alala aküp mülükhamkhukde alakheah, jumonü amükeamrübonü nihbuh zangrü mümüsühkhityi khiungde arü buhtsührü Levirübonü rhimo mübanyi khiungde rung, tümüde nihbuh zangrü müsühkhitpü ching amükeamrü kheaknü Levirübo alü mulong amüsüh lakheah.

2 KIUTHSÜYUKHEAN 30:13

Khinu mahnepü ching phaüm muyukkhi thünio mungpü mihtsürü boto ato Jirusalem ching mukhung.

2 KIUTHSÜYUKHEAN 30:2

Tümüde kiulongthsüpuh le api yo atorübo Jirusalem ching amukhungrü alalanü phungho-thünio ju khinu mahnepü ching mungpü pungkhi.

2 KIUTHSÜYUKHEAN 30:24

Tümüde Juda kiulongthsüpuh Hezekianü amukhungrü kilim moshi 1000 tüsho namfimihnu 7000 kingaünpü thsungkheak jih, tüsho atorübonü amukhungrü kilim moshi 1000 tüsho namfimihnu 10,000 jih. Amükeamrübo arü hihde tsangkhit.

2 KIUTHSÜYUKHEAN 30:3

Tümütüsho arünü kim dükdü ching mümungkhuk, tümüde amükeamrübonü arübo suhdahde mütsangkhit, yungsho mihtsürübo Jirusalem ching mümukhung.

2 KIUTHSÜYUKHEAN 31:18

tüsho lünkhe thrüta lakhi alala kilim–arü tsührü aninibo tüsho niuberübo, arü tsührü tüsho tsührübebo bede boto alala; tümüde arü müsühde azopü ching thülünde alakheah.

2 KIUTHSÜYUKHEAN 35:6

Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

2 KIUTHSÜYUKHEAN 5:11

Kheakü küyimki amükeamrübo amüsüh dangpung chingnü akhiukkhea (tümüde amükeamrübo ju ching larü alalanü arü chamnakkhi mülümde müsühkhit,

EZRA 6:20

Amükeamrü tüsho Levirünü nihbuh langzü tsangkhitde müsühkhit. Levirübonü ramtsorü tsührübo, amükeamrübo tüsho arü thsungkheak phungho-thünio arüngpü namfimihnunu laksah.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:22

Amükeamrübo she ATUNGPUH thüninde arürübo tsangkhitshang, jude yungsho inü arü thsümüchibah.”

WÜHKHE 9:11

Khinu mahne nimung thürükheak phüyi ni shuhyini ching arünü ju leangkhibah; arünü phaüm muyukkhi yikhap tüsho akhüh wokephüyak bebah atsühbah.