2 KIUTHSÜYUKHEAN 30:14 - AMÜSÜH HÜM CL Bible (BSI)

¹⁴ Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

2 KIUTHSÜYUKHEAN 30:14 Iomraidhean Croise

2 SAMUEL 15:23

Mihtsürü alala hode ayüchoki lomi athrünkhinü achangnü trip; kiulongthsüpuhnü Kidron ayung ho, tüsho mihtsürü alala sunglo lim yü.

2 KIULONG THSÜRÜ 18:22

Tüshe nünü I ki, ‘Isanü Atungpuh isa Thrünpuh kheak düthsün angübah,’ de thacho ju Hezekianü achang dangpungbo luka bahde Juda tüsho Jirusalem ki, ‘Nüsanü Jirusalem ching ha kingaün sadam miki kingaünbeah’ de athakhi thsü yung de?

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 28:24

Ahaznü Thrünpuh yam pungphurubo hanmukhung tüsho ju adütre kamde kiuthünak. Apinü Atungpuh yam khimdopübo rihkham tüsho anihbuhnü Jirusalem mühit aban ching kingaün sadambo thsü.

2 KIUTHSÜYUKHEAN 29:16

Amükeamrübonü Atungpuh yam alunglim müsühkhitpü yüzah, tüsho arünü Atungpuh arüngyam ching ngükhi amümüsüh kukruk alala Atungpuh yam khikzhakpung ching lude akhiuk; tüsho Levirübonü jurübo lubah Kidron ayung ching yü.

2 KIUTHSÜYUKHEAN 32:12

Ha Juda tüsho Jirusalem ki, ‘Nüsanü kingaün sadam khülang miki kingaünbah, tüsho nüsanü ju kheak rhümthüneabe takbah’ de thade api achang dangpungbo tüsho kingaün sadambo hande atsokhi Hezekia yung de?

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

2 KIUTHSÜYUKHEAN 34:4

Api mikinü arünü Baal kingaün sadambo lukkheam; apinü jurü mikheak yo rhümthüneabe kingaün sadambo thsümünim. Apinü Ashera sangthsübo tüsho asümkhi le azünkhi sangthsübo thsümünim; apinü jurü asungthulung kamshih tüsho arü kingaünrübo kiuyukbo kheak suka bah.

2 KIUTHSÜYUKHEAN 34:7

apinü kingaün sadambo lukkheam, Ashera sangthsübo adübün kamde kingnak, tüsho rhümthüneabe kingaün sadambo alala Israel lomi alala ching thsümünim. Jushu api Jirusalem lim alode yü.

ISAIA 36:7

Tüshe nünü I ki, ‘ Isanü Atungpuh isa Thrünpuh kheak angükihlah’ de thasho, ha Hezekianü achang dangpungbo tüsho kingaün sadambo, Juda tüsho Jirusalem ki, ‘ Nüsanü ha kingaün sadam miki kingaünbah’ de thade abahjihbuh yung de?

JOHAN 18:1

Küyimki Jisunü harü yubo thakhea, apinü ajingyanrübo bebah chamachih tüsho Kidron ayung hode yü. Ju dangpung ching shahwün khülang lakheah tüsho Jisu le ajingyanrübonü ju ching yüzah.