2 KIUTHSÜYUKHEAN 30:11 - AMÜSÜH HÜM CL Bible (BSI)

¹¹ Asher, Manase, tüsho Zebulun chingnü lang arü anükhüh azhihayihde kam tüsho Jirusalem lim arü.

2 KIUTHSÜYUKHEAN 30:11 Iomraidhean Croise

1 KIUTHSÜYUKHEAN 9:3

Tüsho Jirusalem ching larü Juda, Benjamin, Ephraim, tüsho Manase mihtsürü khürü:

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 12:12

Tümütüsho apinü azhihayihde akammonü Atungpuh bukakhiukkhi api kheaknü rholo, junangde arü shahde müthsümünim; kheaküshe, Juda ching lalimlako tsüde alakheah.

2 KIUTHSÜYUKHEAN 30:18

Tümüde mihtsürü boto, ahihkhüh Ephraim, Manase, Issakar tüsho Zebulun chingnü arübo mümüsühkhit, tütüshe arünü thrüta lakhi azhihlode phungho-thünio leangkhi. Tüshe Hezekianü arü thsungkheak tamkhüntamnüde tha, “Atsübuh Atungpuh alala neak bahjang:

2 KIUTHSÜYUKHEAN 30:21

Jirusalem ching lakhi Israel mihtsürübo tode asühachihde phaüm muyukkhi yikhap thünio nimung thüne mung; tüsho Levirü le amükeamrübonü Atungpuh yo kingzükingdobe bebah nimung abande Atungpuh mung shi.

2 KIUTHSÜYUKHEAN 30:25

Juda amukhungrü alala, amükeamrü tüsho Levirü, tüsho Israel chingnü akhiukkhi amukhungrü alala, Israel lomi chingnü akhiukrü khiungkerü tüsho khiungkerü Juda ching larü asühachih.

2 KIUTHSÜYUKHEAN 33:12

Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

DANIEL 5:22

Tüsho nü, api tsührü Belshazzar, nünü ha alala mükheahkheah she nü mulong mazhihayih!

LEVI 26:41

tüsho inü nüsa azhihkhi hode nüsabo thiriri lo ching hande yükhea; nüsa mulong tsütamübahkhi azhihayihde kamsho, tüsho nihbuh neak le azhihde atsahkhi thsüphulosho,

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

YUNIRÜBO RHIMO 17:34

Mihtsürü khürünü api lung arih tüsho kin, arü bolung ju kiuthsü-binkiu kheyuk ching berü Dionysia la; kheaküshe aliberü amung Damari, tüsho arü lung püpürübo lakheah.

JAKOB 4:10

Nüsanü Atungpuh miki azhihayihang tüsho apinü nüsa shuhkihbah.

1 PETER 5:6

Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang.