2 KIUTHSÜYUKHEAN 30:10 - AMÜSÜH HÜM CL Bible (BSI)

¹⁰ Jumonü yunithsürübonü kiuto chingnü kiuto yüde Ephraim tüsho Manase lomi hode tüsho Zebulun khiungde yü; tüshe arünü arü kheak akinashu mülade keangrümünejih.

2 KIUTHSÜYUKHEAN 30:10 Iomraidhean Croise

THRÜNTAN 19:14

Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

2 KIUTHSÜYUKHEAN 34:9

Arünü achangbe amükeambuh Hilkia kilim arü tüsho Levirü le ripit-limro neakrübonü Manase, Ephraim, tüsho aninga lakhi Israel, Juda, Benjamin tüsho Jirusalem ching larü alala kheaknü thremukhungbah Thrünpuh yam ching lude arükhi sho yihkhita lu.

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

ESTER 3:13

Yunithsürünü thiyusheak alala ching hanbah yü. Athrütkhi ching ju, ha Adar khinu thürükheak mahsam nipü, Jihudarü alala–athunu tüsho azorü, aliberü tüsho azürü alala laksahkhambah de zahbah alakheah. Arübo ju amuzho mülade alaksahbah tüsho kukrukbo she alujihbah de thrütyuk.

ESTER 3:15

Kiulongthsüpuh yukhüm hode thiyuzüng ju boto miki Susa kiuying ching thari, tüsho yunithsürünü ju yusheak lomibo ching hande yü. Susa kiuying lümshangmangnü mide alachoki kiulongthsüpuh le Haman ane a yukhu yungde bin.

ESTER 8:10

Mordekainü kihümbo ju kiulongthsüpuh Zerzes mung chingnü thrüt tüsho apinü kiulongthsü mütsan yingkhümnü yüm, jurübo ju aberünü kiulongthsüpuh yo khora yam chingnü adukathri kheak binbah niokheamde hanbah yü.

ESTER 8:14

Kiulongthsüpuhnü thiyukhüm jihkhi nangde, khoraberübonü alü shande be. Thiyuzüng ju Susa kiuying ching boto ki she ahiuh.

JOB HU H T ANYU 12:4

I müyamrübo ki I a münedung khülang ah; inü Thrünpuh ki jibah apinü alojihjih she– thiyuro tüsho areak mükihde lalashe, I a münedung khülang ah.

JOB HU H T ANYU 9:25

I nimungbo a alihrü kheaknü athribe; arübo shande tsoabahchoh, arünü tümü atsü müngü.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

LUKNÜ ATHRÜTKHI THIYUSHEAK-ATSÜ HUHTANYU 23:35

Tüsho mihtsürübonü kheahde zhip. Tüshe yakzanshuhrübonü she luhmünede tha, “Apinü mührü khümkhitdo; api Thrünpuhnü amokhitkhi Khrista a sho aküdah thsüde khümkhitshang.”

LUKNÜ ATHRÜTKHI THIYUSHEAK-ATSÜ HUHTANYU 8:53

Tüsho alibe ju shea lah de mükheahbah arünü api ki münejih.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.