2 KIUTHSÜYUKHEAN 30:1 - AMÜSÜH HÜM CL Bible (BSI)

¹ Jirusalem ching Atungpuh yam ching arübah Atungpuh Israel Thrünpuh kilim phunghothünio mungpü thsüde, Hezekianü Israel alala tüsho Juda kilim thiyu yüshih, tüsho Ephraim le Manase kilim kihümbo thrüt.

2 KIUTHSÜYUKHEAN 30:1 Iomraidhean Croise

2 KIULONG THSÜRÜ 23:22

Israel mahkhaprü, yungsho Israel kiulongthsürü yungsho Juda kiulongthsürü nimungbo chingnü hadürü phunghothünio mümungakheah;

2 KIUTHSÜYUKHEAN 11:13

Israel alala ching amükeamrü tüsho Levirü arü lomi alala chingnü api kilim arü.

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 25:7

Tüshe Thrünpuh mihtsürü khülang api ki arü tüsho tha, “O kiulongthsüpuh, Israel bonungrü nü lung düyüshih, tümüde Israel lung Atungpuh müla–harü Ephraimrü alala.

2 KIUTHSÜYUKHEAN 29:24

tüsho amükeamrübonü jurübo laksah tüsho athiyih bede Israel alala thsungkheak dünthsükhipü kingaün sadam kheak neak kingaün jih. Tümüde taka kingaünkhi le neak kingaünkhi ju Israel alala thsungkheak jihbeah de kiulongthsüpuhnü thiyukhüm jih.

2 KIUTHSÜYUKHEAN 29:36

Tüsho Hezekia le mihtsürü alalanü Thrünpuhnü mihtsürübo thsungkheak rhimokhi dünkheaknü asühachih; tümüde hadürü zukleangnü arü.

2 KIUTHSÜYUKHEAN 30:2

Tümüde kiulongthsüpuh le api yo atorübo Jirusalem ching amukhungrü alalanü phungho-thünio ju khinu mahnepü ching mungpü pungkhi.

2 KIUTHSÜYUKHEAN 35:6

Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

JEREMIA 29:1

Ha Nebukednezarnü Jirusalem chingnü ramtso ching hande ayürü, ramtsorü bolung aningkhi azothsürübo, amükeamrübo, wukihrübo, tüsho mihtsürü alala kilim wukihbuh Jeremianü Jirusalem chingnü thrüta yüshihkhi yubo ah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

JIHUSUA 14:4

Tümüde Josep mihtsürübo ju trük mahne lakheah, Manase tüsho Ephraim; tüsho Levirü kilim a alo tümü müjih, tüshe arü lashihpü kiutobo tüsho akam-shiwühbo tsühyungshihpü thulubo lang jih.