2 KIUTHSÜYUKHEAN 29:5 - AMÜSÜH HÜM CL Bible (BSI)

⁵ Apinü arü ki tha, “I ki aniang, Levirübo! Nüsabo tsangkhitang, tüsho nüsa jipürü Thrünpuh, Atungpuh yam tsangkhitang, tüsho amünean ju amüsüh dangpung chingnü yihkhitang.

2 KIUTHSÜYUKHEAN 29:5 Iomraidhean Croise

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

2 KIUTHSÜYUKHEAN 29:34

Tüshe amükeamrübo khide nük tüsho taka kingaünpü alala aküp mülükhamkhukde alakheah, jumonü amükeamrübonü nihbuh zangrü mümüsühkhityi khiungde arü buhtsührü Levirübonü rhimo mübanyi khiungde rung, tümüde nihbuh zangrü müsühkhitpü ching amükeamrü kheaknü Levirübo alü mulong amüsüh lakheah.

2 KIUTHSÜYUKHEAN 29:4

Apinü amükeamrübo le Levirübo bede yüzah tüsho aniakhiuklim dangpung kheak arübo bemukhung.

2 KIUTHSÜYUKHEAN 35:6

Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

NEHEMIA 12:30

Amükeamrü tüsho Levirünü nihbuh mihtsürü, chipimurungbo tüsho chipi thsungkheak müsükhitde arüng rhimo ju rhimo.

NEHEMIA 13:9

Thüyam khiungshak tsüde müsühkhitang de inü thiyukhüm jih tüsho arüngyam phühlung, hi kingaün, tüsho rhümthüneabe kukrukbo hanlodarü zo.

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:15

Tüsho apinü mihtsürübo ki tha, “Asam nipü thsungkheak thsakhamang; niuberü thüninde düyü.”

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

EZEKIEL 8:6

Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”

JOEL 2:16

mihtsürübo bemukhungang, amukhungrü müsühkhitang; ashinbuhrübo bemukhungang; azürübo bemukhungang, niuh yungrü khungarübo she. Niuberü lubuhnü nihbuh khiungshak bahkhishang, tüsho arhangberünü nihbe khiungshak bahkhishang.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.