2 KIUTHSÜYUKHEAN 29:34 - AMÜSÜH HÜM CL Bible (BSI)

³⁴ Tüshe amükeamrübo khide nük tüsho taka kingaünpü alala aküp mülükhamkhukde alakheah, jumonü amükeamrübonü nihbuh zangrü mümüsühkhityi khiungde arü buhtsührü Levirübonü rhimo mübanyi khiungde rung, tümüde nihbuh zangrü müsühkhitpü ching amükeamrü kheaknü Levirübo alü mulong amüsüh lakheah.

2 KIUTHSÜYUKHEAN 29:34 Iomraidhean Croise

2 KIULONG THSÜRÜ 12:6

Tüshe kiulongthsüpuh Joash kam mukukheak mahsam thsüde amükeamrübonü thüyam masuhlo.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

2 KIUTHSÜYUKHEAN 29:33

Amüsühkhitkhi kingaünbo ju moshi 600 tüsho namfimihnu 3000.

2 KIUTHSÜYUKHEAN 29:5

Apinü arü ki tha, “I ki aniang, Levirübo! Nüsabo tsangkhitang, tüsho nüsa jipürü Thrünpuh, Atungpuh yam tsangkhitang, tüsho amünean ju amüsüh dangpung chingnü yihkhitang.

2 KIUTHSÜYUKHEAN 30:15

Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

2 KIUTHSÜYUKHEAN 30:24

Tümüde Juda kiulongthsüpuh Hezekianü amukhungrü kilim moshi 1000 tüsho namfimihnu 7000 kingaünpü thsungkheak jih, tüsho atorübonü amukhungrü kilim moshi 1000 tüsho namfimihnu 10,000 jih. Amükeamrübo arü hihde tsangkhit.

2 KIUTHSÜYUKHEAN 30:3

Tümütüsho arünü kim dükdü ching mümungkhuk, tümüde amükeamrübonü arübo suhdahde mütsangkhit, yungsho mihtsürübo Jirusalem ching mümukhung.

2 KIUTHSÜYUKHEAN 35:11

Arünü phungho-thünio namfimihnunubo ju laksahbah Levirünü aküp lü, tüsho amükeamrübonü athiyih rhaka bah.

EZRA 6:20

Amükeamrü tüsho Levirünü nihbuh langzü tsangkhitde müsühkhit. Levirübonü ramtsorü tsührübo, amükeamrübo tüsho arü thsungkheak phungho-thünio arüngpü namfimihnunu laksah.

MUNGSHIKHÜN 26:6

Inü amülim mülakhi ching I khah mütsakchoh, tüsho nü kingaün sadam mükamde yüchoh, O Atungpuh ,

MUNGSHIKHÜN 7:10

Thrünpuh ju I tsung ah; apinü mulong alungki larü khümkhitchoh.

MUNGSHIKHÜN 94:15

Tüshe mahkhapkhi ju thiyuro-lungki lim rholochoh, tüsho mulong ching lungkirü alalanü ju yanbah.

EZEKIEL 44:11

Arünü arüngyam chipiripit neakde I arüngyam ching tankihpü kuklah; arünü taka kingaünbe tüsho mihtsürübo thsungkheak laksah-a kingaünbebo laksahpü mihtsürübo miki zhippü tüsho arü tankihpü kuklah.

WÜHKHE 18:3

Arübonü nü tüsho arüngyam yihnüpü ching rungbah; tüshe arünü küyimkishe arüngyam kukruk tüsho kingaün sadam phünide marü. Jude yungsho arü tüsho nü she ashebah.

WÜHKHE 8:15

Ju dunglim küyimki nünü Levirübo müsühkhitbah, I kilim müleamde kingaünkhi jihbanü, arübo arüngyam ching tankihpü yübah.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.