2 KIUTHSÜYUKHEAN 29:32 - AMÜSÜH HÜM CL Bible (BSI)

³² Amukhungrünü taka kingaünpü handarükhi khekhi ju moshi 70, namfimihnupung 100, tüsho namfimihnunu 200; harü alala Atungpuh kilim taka kingaünpü thsungkheak lakheah.

2 KIUTHSÜYUKHEAN 29:32 Iomraidhean Croise

1 KIULONG THSÜRÜ 3:4

Kiulongthsüpuhnü laksah-a kingaünpü Gibeon ching yü, tümüde ju achang dangpung adungto lakheah; Solomonnü ju kingaün sadam kheak 1000 bande taka kingaün.

1 KIULONG THSÜRÜ 8:63

Solomonnü moshipung 22,000 tüsho namfimihnu 120,000 Atungpuh kilim laksah-a mungtsü kingaün jih. Jumonü kiulongthsüpuh tüsho Israel mihtsürü alalanü Atungpuh yam müsükhit.

1 KIUTHSÜYUKHEAN 29:21

Ashidopü arünü laksah-a kingaünkhi tüsho taka kingaünkhi Atungpuh kilim moshipung 1000, namfimihnupung 1000, namfimihnunu 1000, ju lung yukhubo, tüsho Israel alala thsungkheak laksah-a kingaünkhi suhdahde jih;

2 KIUTHSÜYUKHEAN 29:31

Judüki Hezekianü tha, “ Kheakü nüsa Atungpuh kilim müsühkhitdo; phünide arang, kingaünbebo lude arang tüsho Atungpuh yam ki makshe kingaün jihang.” Amukhungrünü kingaünbebo lude arü tüsho makshe kingaünbo jih; tüsho mulongsahde alarü alalanü taka kingaünkhibo lude arü.

2 KIUTHSÜYUKHEAN 29:33

Amüsühkhitkhi kingaünbo ju moshi 600 tüsho namfimihnu 3000.

2 KIUTHSÜYUKHEAN 29:35

Taka kingaünkhi ahihdo kheak khiode mungtsü kingaünpü amüdang lakheah, tüsho taka kingaünpü ayungbe kingaünbo lakheah. Hanangde Atungpuh yam tankihpü lalokheah.

2 KIUTHSÜYUKHEAN 30:15

Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

EZRA 6:17

Ha Thrünpuh yam müsüpü thsungkheak arünü moshi 100, namfimihnupung 200, namfimihnu 400, tüsho neak kingaün thsungkheak mihnupung 12, Israel trük aban khülang khülang jih.

LEVI 1:1

Atungpuhnü Mosa ji tüsho ashorupung khimyam chingnü tha:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.