2 KIUTHSÜYUKHEAN 29:25 - AMÜSÜH HÜM CL Bible (BSI)

²⁵ Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

2 KIUTHSÜYUKHEAN 29:25 Iomraidhean Croise

2 SAMUEL 24:11

Küyimki Davidnü yapsu asürükhea, Atungpuh yu David yo wukihrü Gad kilim arü, tüsho tha,

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 21:9

Atungpuhnü David yo wukihbuh Gad ki asuk,

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

1 KIUTHSÜYUKHEAN 28:12

tüsho api lüm ching lakhi lümkhi alala: Atungpuh yam ching khikzhakpungbo thsungkheak, khiungshakbo mühi alala, Thrünpuh yam rahpungbo, tüsho amüsühkhitkhi thsambahbo thsungkheak rahpungbo;

1 KIUTHSÜYUKHEAN 28:19

“Ha alala Atungpuh khahnü thrütde, rhimobo lümkhi alala apinü I kilim mükheahshih.”

1 KIUTHSÜYUKHEAN 29:29

Kheakü kiulongthsüpuh David rhimobo, atankihnü akheam khiungde angürü Samuel hümbo, wukihbuh Nathan hümbo, tüsho angürü Gad hümbo ching thrüta lah,

1 KIUTHSÜYUKHEAN 9:33

Kheakü harübo Levirü jipürü yamkhün ching akubo ha khün thsürübo, püpü tankih-rhimo chingnü chamkhibah arüngyam khiungshakbo ching la, tümüde arübo azhing ayin rhimo ching lakheah.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

2 KIUTHSÜYUKHEAN 30:21

Jirusalem ching lakhi Israel mihtsürübo tode asühachihde phaüm muyukkhi yikhap thünio nimung thüne mung; tüsho Levirü le amükeamrübonü Atungpuh yo kingzükingdobe bebah nimung abande Atungpuh mung shi.

2 KIUTHSÜYUKHEAN 35:15

Asaph tsühsoniuso khün thsürübonü, David, Asaph, Heman, tüsho kiulongthsüpuh yo angürü Jeduthun yukhüm yande arü dangpung ching lakheah. Ripit neakrübo ripit abande alakheah; arünü arü rhimo mülakshak, tümüde arü keoniorü Levirünü arü thsungkheak thsakhamjih.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

1 SAMUEL 22:5

Judüki wukihrü Gadnü David ki tha, “Lungkhün ching dübin; tsoang, tüsho Juda lomi ching yüang.” Jumonü Davidnü bahbah Hereth murung ching yü.