2 KIUTHSÜYUKHEAN 29:21 - AMÜSÜH HÜM CL Bible (BSI)

²¹ Arünü moshi 7, namfimihnupung 7, namfimihnunu 7, tüsho mihnu pung 7 ju kiulongthsü, arüngakopung tüsho Juda thsungkheak neak kingaünpü hande arü. Apinü jurübo Atungpuh kingaün sadam kheak jihshihpü Aron tsühsoniusobo amükeamrübo ki thiyukhüm jih.

2 KIUTHSÜYUKHEAN 29:21 Iomraidhean Croise

1 KIUTHSÜYUKHEAN 15:26

Tümütüsho Thrünpuhnü Atungpuh sangdan shuhrü Levirü rungmonü arünü moshi 7 tüsho namfimihnupung 7 laksah-a kingaün.

2 KIUTHSÜYUKHEAN 29:20

Judüki kiulongthsüpuh Hezekianü mükikde asürübah, kiuto atorübo bemukhung, tüsho Atungpuh yam ching wutu.

EZRA 8:35

Ramtso chingnü alungrü alalanü Israel Thrünpuh kilim taka kingaünpü shihchambo hanbah arü. Arünü Israelrü alala thsungkheak moshi 12 jih, namfimihnupung 96, namfimihnunu 77; tüsho arü münean chingnü atsangkhitshihpü mihnupung 12 jih. Shiwüh harü alala Atungpuh ki taka kingaün.

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

EZEKIEL 45:23

Tüsho nimung thüne thünio lachoki apinü Atungpuh kilim taka kingaünpü lapha mükihkhi moshipung 7 tüsho namfimihnupung 7, nimung thüne thüne aban ni jihbah; tüsho nimung aban neak kingaünpü mihnu pung 1.

LEVI 16:5

Israel trüknü Aron kilim mihnupung mahne neak kingaünpü tüsho namfimihnupung khülang taka kingaünpü jihbah.

WÜHKHE 23:1

Tüsho Balaamnü Balak ki tha, “ I thsungkheaknü ha ching kingaün sadam thüne thsang, tüsho I thsungkheaknü ha ching moshipung thüne tüsho mihnupung thüne thsakhamang.”

WÜHKHE 23:14

Jumonü apinü Balaam ju Zophim lu, Pisga wung ching bebah arü, tüsho kingaün sadam thüne thsübahle ju abande moshipung 1 tüsho mihnupung 1 de kingaün.

WÜHKHE 23:29

Tüsho Balaamnü Balak ki tha, “ Ha ching I thsungkheaknü kingaün sadam thsüang, tüsho I thsungkheaknü moshipung 7 tüsho mihnupung 7 thsakhamang.”

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.