2 KIUTHSÜYUKHEAN 29:18 - AMÜSÜH HÜM CL Bible (BSI)

¹⁸ Judüki arünü kiulongthsüpuh Hezekia kilim alunglim yüzah tüsho tha, “Isanü Atungpuh yam alala taka kingaünpung sadam tüsho ju pungphurubo, tüsho yikhap thürüngpung dükhüm tüsho ju pungphurubo müsühkhitdo.

2 KIUTHSÜYUKHEAN 29:18 Iomraidhean Croise

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

2 KIUTHSÜYUKHEAN 29:17

Arünü akhuhbe khinu atan ni tsangkhitpü tankih, tüsho ju khinu nimung tizheah nipü arünü Atungpuh yam mükü ching arü; jushu nimung tizheah arünü Atungpuh yam tsangkhit, tüsho khinu akhuhbe nimung thürükheak thuruk nipü arünü ban.

2 KIUTHSÜYUKHEAN 29:19

Kiulongthsüpuh Ahaznü kiulongthsüchoki, api thiyuro mülachoki mulunekhi pungphurubo alala isanü tsanglungdo tüsho müsühkhitlodo; kheahang, jurübo Atungpuh kingaün sadam miki lah.”

2 KIUTHSÜYUKHEAN 4:1

Apinü müwayinchinü kingaün sadam 1 thsü, ashanglim khahnap 20, atolim khahnap 20, tüsho achanglim khahnap 10.

MATHI 12:4

Apinü Thrünpuh yam ching yüzah tüsho api le api lung berünü yikhap tsüh–amükeamrübo kheak hode arü thsungkheaknü ju rhimopü yakzannü mümülüde alakheah.