2 KIUTHSÜYUKHEAN 29:16 - AMÜSÜH HÜM CL Bible (BSI)

¹⁶ Amükeamrübonü Atungpuh yam alunglim müsühkhitpü yüzah, tüsho arünü Atungpuh arüngyam ching ngükhi amümüsüh kukruk alala Atungpuh yam khikzhakpung ching lude akhiuk; tüsho Levirübonü jurübo lubah Kidron ayung ching yü.

2 KIUTHSÜYUKHEAN 29:16 Iomraidhean Croise

2 SAMUEL 15:23

Mihtsürü alala hode ayüchoki lomi athrünkhinü achangnü trip; kiulongthsüpuhnü Kidron ayung ho, tüsho mihtsürü alala sunglo lim yü.

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 3:8

Apinü Khide Amüsüh Dangpung thsü; thüyam atolim yande ayunglim khahnap 20 tüsho apunglim 20; apinü ju kheak suna müthsün khahngak chithürü 20 yihkih.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

2 KIUTHSÜYUKHEAN 5:7

Jushu amükeamrübonü Atungpuh tangzüng sangdan ju azopung thüyam ching alungbe arüngakopung, Khide Amüsüh Dangpung, cherubim ghidükeangbo khüp lude yüzah.

NEHEMIA 13:9

Thüyam khiungshak tsüde müsühkhitang de inü thiyukhüm jih tüsho arüngyam phühlung, hi kingaün, tüsho rhümthüneabe kukrukbo hanlodarü zo.

EZEKIEL 36:29

Inü nü mümüsühkhibo alala chingnü nü khümkhitbah, tüsho inü hi jihbah tüsho muzhomopungde akamshihbah tüsho nü kheak khümzung mülashih.

MATHI 23:27

“Nüsa yakzan thsangyurübo tüsho Pharisirü, yiuhkhaprübo are! Nüsa ju aleanglim akheahakhamkhi tüshe alunglim a asherü roreang tüsho amümüsüh lüpdükhinü mide alakhi amüye kiuyukbo nangde lah.

JOHAN 18:1

Küyimki Jisunü harü yubo thakhea, apinü ajingyanrübo bebah chamachih tüsho Kidron ayung hode yü. Ju dangpung ching shahwün khülang lakheah tüsho Jisu le ajingyanrübonü ju ching yüzah.