2 KIUTHSÜYUKHEAN 28:9 - AMÜSÜH HÜM CL Bible (BSI)

⁹ Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

2 KIUTHSÜYUKHEAN 28:9 Iomraidhean Croise

THRÜNTAN 11:4

Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

1 KIULONG THSÜRÜ 20:13

Judüki wukihrü khürü Israel kiulongthsüpuh Ahab kilim atu tüsho tha, “Atungpuhnü ha thachoh, Ha boto ato alala nünü ngüdü de? Kheahang, khihni inü nü khah ching jihbah; tüsho I Atungpuh de nünü amükheahbah.”

1 KIULONG THSÜRÜ 20:22

Judüki Israel kiulongthsüpuh ki wukihrü arü tüsho api ki tha, “Arang, nü reangzahang, tüsho nünü tümü thsübeanü düshihde lümakheahang; tümüde mükheankim ching Siria kiulongthsüpuh nü azhihde atulobah.”

1 KIULONG THSÜRÜ 20:42

Judüki apinü anihbuh ki tha, “Atungpuhnü ha thachoh, ‘ Tümütüsho inü athsümünimpü lakhi mihtsürü nünü tsoshihdo, jumonü nü rhangdung ju api rhangdung dün labah, tüsho nü mihtsürü ju api mihtsürü dün labah.’”

1 KIUTHSÜYUKHEAN 21:13

Judüki Davidnü Gad ki tha, “I lümthsünü ato ching lah; I Atungpuh khah ching keamshang, tümüde api amüthsüm khide tolah; tüshe I mihtsürü khah ching mükeamnü.”

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

EZRA 9:6

tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

MUNGSHIKHÜN 69:26

Tümüde arünü nünü ashikbuh thsümüchichoh, tüsho nünü yuria thsünüshihbuh dünkheak thachoh.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JONA 1:2

“ Kiuto ato Nineve lim yüang, tüsho ju azhihde zhiang; tümütüsho arü mihbukmuyukbo I miki akihdo.”

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

AMIKHEAKAKHIUKKHI 18:5

tümüde anihbe neakbo thüning khiungde mujunglah, tüsho Thrünpuhnü anihbe mülimkhibo lümkhitdo.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.