2 KIUTHSÜYUKHEAN 28:8 - AMÜSÜH HÜM CL Bible (BSI)

⁸ Israel mihtsürünü arü buhtsührü, azoberü, tsührübo tüsho tsührübebo 200,000 rama lu; arünü kukruk ahihdo arü kheaknü yankhia lubah Samaria ching arü.

2 KIUTHSÜYUKHEAN 28:8 Iomraidhean Croise

2 KIULONG THSÜRÜ 6:22

Apinü alo, “Düh! Nü nukshang tüsho sanglühnü ayandokhi mihtsürübo nünü alaksahba de? Arü miki jim tüsho ke zojang, junangde arünü atsühyungbah; tüsho arü putungrü kilim alode yüshang.”

2 KIUTHSÜYUKHEAN 11:4

“Atungpuhnü ha thachoh: Nüsa keoniorü azhihde keochihpü duwutu. Mihbüm abannü thüyam lim alode yüang, tümüde hadürü ha I kilimnü ah.” Jumonü arünü Atungpuh yu ani tüsho Jeroboam azhihde ayükhi chingnü alode yü.

2 KIUTHSÜYUKHEAN 28:11

Kheakü I ki aniang, tüsho nüsa keoniorü bolungnü rama lukhi alode yüshang, tümüde Atungpuh bukakhiukkhi amüzhak nüsa kheak lah.”

2 KIUTHSÜYUKHEAN 28:7

Tüsho Ephraimrü athrungrü thirithsübuh Zikrinü kiulongthsüpuh tsührü Maaseia, kiulongthsürü-yam limthobuh Azrikam, tüsho kiulongthsüpuh khin atorü Elkana laksah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 7:26

Ashidopü Israelrü mahne rukachihde Mosanü ngübah ane dükeak mungtsü thsüde tha, ‘Mihtsürübo, nüke keoniorü ah; tümüde nükenü yuriachihcho le?’

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:41

Nüsa tsührü tüsho tsührübebo labah, tüshe arübo nüsa yo müthsü; tümüde arübo ramde atsobah.