2 KIUTHSÜYUKHEAN 28:6 - AMÜSÜH HÜM CL Bible (BSI)

⁶ Remalia tsührü Pekanü nimung khülang chingnü Juda ching athrungrü bonungrü 120,000 laksah, tümütüsho arünü Atungpuh arü jipürü Thrünpuh bahyuk.

2 KIUTHSÜYUKHEAN 28:6 Iomraidhean Croise

2 KIULONG THSÜRÜ 15:27

Juda kiulongthsüpuh Uzzia kam thünimkheak mahnepü ching, Remalia tsührü Pekanü Israel kurungkheak Samaria ching kiulongthsüpü tankih; apinü kam muku kiulongthsü.

2 KIULONG THSÜRÜ 15:37

Judüki nimungbo ching Atungpuhnü Siria kiulongthsüpuh Rezin tüsho Remalia tsührü Peka Juda azhihde yüshih.

2 KIULONG THSÜRÜ 16:5

Judüki Siria kiulongthsüpuh Rezin tüsho Israelrü Remalia tsührü kiulongthsüpuh Pekanü Jirusalem kheak thirithsüpü atu; arünü Ahaz yan tüshe api mukuk.

2 KIUTHSÜYUKHEAN 13:17

Abija tüsho api bonungrünü tode laksahde arü kuk; amokhitkhi Israel mihtsürü 500,000 laksah-a yap.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 21:10

Jumonü khihni khiungde Edomnü Juda yakzan shuhkhi kheak azhihde arü. Ju kim ching Libnanü she api yakzan shuhkhi kheak azhih, tümütüsho Jehoramnü jipürü Thrünpuh, Atungpuh bahyuk.

2 KIUTHSÜYUKHEAN 28:7

Tüsho Ephraimrü athrungrü thirithsübuh Zikrinü kiulongthsüpuh tsührü Maaseia, kiulongthsürü-yam limthobuh Azrikam, tüsho kiulongthsüpuh khin atorü Elkana laksah.

JOB HU H T ANYU 34:27

tümütüsho arünü api kheaknü rholo, tüsho api limrobo tümü she akin müla,

MUNGSHIKHÜN 37:38

Tüshe athsümünimrübo rukhühnü adükheakbah; mihbukmuyuk arübe kuhi ju adükheakbah.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 3:25

Nüsa mihtsürübo tüsho athrungrübo keochih ching nukshangnü akeambah.

ISAIA 7:1

Uzzia tsührü, Jotham tsührü Ahaz, Juda kiulongthsüpuh nimungbo ching, Siria kiulongthsüpuh Rezin tüsho Remalia tsührü Israel kiulongthsüpuh Pekanü Jirusalem yanpü wutu, tüshe müyankhuk.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

EZEKIEL 16:57

nü mihbukmuyuk mülahkhityiki ah. Kheaküshe nü a Edom tsührübebo tüsho anihbe yamhingrü alala tüsho Filistia tsührübebo–nü mühirü alalanü nü mükhemükimchoh.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 32:20

Tüsho apinü tha, Inü I miro arü kheaknü ramabahbah, arü kheak tümü dünjibanü inü akheahbah, tümüde arübo yihkhro tüsho müthülünkhi tsührübo lün lah.

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”