2 KIUTHSÜYUKHEAN 28:24 - AMÜSÜH HÜM CL Bible (BSI)

²⁴ Ahaznü Thrünpuh yam pungphurubo hanmukhung tüsho ju adütre kamde kiuthünak. Apinü Atungpuh yam khimdopübo rihkham tüsho anihbuhnü Jirusalem mühit aban ching kingaün sadambo thsü.

2 KIUTHSÜYUKHEAN 28:24 Iomraidhean Croise

2 KIUTHSÜYUKHEAN 28:25

Juda kiuto aban ching apinü jipürü Thrünpuh, Atungpuh bukakhiukshih.

2 KIUTHSÜYUKHEAN 29:19

Kiulongthsüpuh Ahaznü kiulongthsüchoki, api thiyuro mülachoki mulunekhi pungphurubo alala isanü tsanglungdo tüsho müsühkhitlodo; kheahang, jurübo Atungpuh kingaün sadam miki lah.”

2 KIUTHSÜYUKHEAN 29:3

Anihbuh kiulongthsü atankih kam, akhuhbe khinu ching apinü Atungpuh yam khimdopübo khimshuh tüsho thsülo.

2 KIUTHSÜYUKHEAN 29:7

Arünü mükü khimdopübo she rih, tsünpungbo yihmüt, tüsho Israel Thrünpuh kilim amüsüh dangpung ching rhümthüneabe müjih yungsho taka mükingaün.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

YUNIRÜBO RHIMO 17:16

Kheakü Paulnü Athen ching ane aleangde alachoki kiuto ching sangthsübonü amikhi ngübah api khide lümthsünü.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.