2 KIUTHSÜYUKHEAN 28:19 - AMÜSÜH HÜM CL Bible (BSI)

¹⁹ Tümüde Israel kiulongthsüpuh Ahaz dünkheaknü Atungpuhnü Juda abobe kamshih, tümütüsho apinü marümkheamde Juda ching yakli amütsü huh tüsho Atungpuh ki akin mülade kam.

2 KIUTHSÜYUKHEAN 28:19 Iomraidhean Croise

THRÜNTAN 3:11

Tüsho apinü tha, “Nü bünkeang ah de shepünü nü ki thakhea? Inü nü ki dütsüh de athakhi sangaso nünü atsühkhea shi?”

THRÜNTAN 3:7

Judüki ane mük khimshuh tüsho bünkeang ah de mükheah; jumonü anenü khubaso yü thürerubah yihdo.

1 KIULONG THSÜRÜ 14:16

Jeroboam neak dünkheaknü apinü Israel bahyukbah, küpü apinü neak yihbeak tüsho apinü Israel neak yihbeakshih.”

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

2 KIUTHSÜYUKHEAN 21:2

Juda kiulongthsüpuh Jehoshaphat tsührü Jehoram keoniorübo: Azaria, Jehiel, Zekaria, Azariahu, Maikel, tüsho Shephatia.

2 KIUTHSÜYUKHEAN 28:1

Ahaz kiulongthsüpü tankihchoki kam 20 azorü lakheah; apinü Jirusalem ching kam thürükheak thuruk kiulongthsü. Api jipürü Davidnü arhimokhi nangde apinü Atungpuh miki alungki mürhimo,

2 KIUTHSÜYUKHEAN 28:4

Apinü achang dangpungbo, awungbo kheak tüsho sangdung phüyak aban khüp laksah-a taka kingaünkhibo jih.

2 KIUTHSÜYUKHEAN 33:9

Manasenü Juda tüsho Jirusalem ching larü bemüchih, jumonü Atungpuhnü Israel mihtsürü müngüh, yankhitkhi trükshihbo kheaknü alü arünü amütsü rhimo.

JOB HU H T ANYU 40:12

Am, arü kheak kheahang tüsho arü thokheamjang; mihbukmuyukbo arü zhippung chingnü züthünakang.

ABEKHIT 32:25

Harü mihtsürübo Aronnü müdanyukkhukde arü riri miki münedung kamkhi Mosanü ngü.

MÜCHITMUDU 14:34

Thiyuro-lungkinü trükshih shuhkihchoh, tüshe neak ju mihtsürü kilim mungchih lah.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

HOSEA 5:11

Ephraim junoa lah, mahkhapkhi ching zünaka lah, tümütüsho apinü akeangkeang dunglim yüpü lümkih.

LEVI 5:19

Ha Atungpuh azhihde apinü neak yihbeakkhi dünkheak ashaklo kingaün ah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

1 SAMUEL 2:7

Atungpuhnü zhochihrü kamshihchoh tüsho alarü kamshihchoh; apinü thokhichoh tüsho apinü shuhkihchoh.