2 KIUTHSÜYUKHEAN 28:15 - AMÜSÜH HÜM CL Bible (BSI)

¹⁵ Judüki mung tamde ajirübonü wusu tüsho aramrübo ju bea lubah ayankhikhi kukruk chingnü arü bolung bünkeangbo alala kheak khim phuyukihjih; jingkhümpübo jih, jim tüsho ayungbe jih, tüsho arübo kheak müdangke mujujih; tüsho arü bolung mütsahkhukrübo donkibo kheaknü bede ashidungbo lakhi kiuto Jirikho ching arü buhtsührü kilim yü. Jushu arübo Samaria lim alode yü.

2 KIUTHSÜYUKHEAN 28:15 Iomraidhean Croise

2 KIULONG THSÜRÜ 6:22

Apinü alo, “Düh! Nü nukshang tüsho sanglühnü ayandokhi mihtsürübo nünü alaksahba de? Arü miki jim tüsho ke zojang, junangde arünü atsühyungbah; tüsho arü putungrü kilim alode yüshang.”

2 KIULONG THSÜRÜ 6:23

Jumonü apinü arü thsungkheak jimpung ato thsakham; tüsho tsühyungkhi dunglim apinü arübo arü limro ching yüshih, tüsho arünü arü putungrü kilim yü. Tüsho Siriarünü kheaküa Israel lomi ching ayanpü marüdebah.

2 KIUTHSÜYUKHEAN 28:12

Kheaküshe, Ephraimrü torübo, Johanan tsührü Azaria, Meshillemoth tsührü Berekia, Shallum tsührü Jehizkia, tüsho Hadlai tsührü Amasanü thirithsü chingnü alungrü azhihde zhip,

2 KIUTHSÜYUKHEAN 28:14

Jumonü thirithsürübonü aramrübo tüsho ayankhikhi kukruk atorübo tüsho amukhungrü alala miki zojih.

EZRA 2:34

Jirikho tsührü 345,

NEHEMIA 5:12

Limberünü alo, “Nünü athakhi yande isanü rhimoanü. Yamrüplurüp kukrukbo jihlobah tüsho arü kheaknü tümü mulu.” Inü amükeamrübo jiyuk tüsho limberünü alokhikhi dükde arhimoshihpü arü miki thiyuchihchim lushih.

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

LUKNÜ ATHRÜTKHI THIYUSHEAK-ATSÜ HUHTANYU 6:27

“Tüshe I ki anide alarü nüsabo ki inü thachoh, nüsa riribo muzhoang, nüsa thraneanrü ki atsü rhimoang,

LUKNÜ ATHRÜTKHI THIYUSHEAK-ATSÜ HUHTANYU 8:27

Tüsho api alo kheak dükükhichoki kiuto chingnü amünean mebo lakhi mihtsürü khülangnü ju ching api shoru; tümüde kim ashang apinü khimmih müyih tüsho thüyam yungde kiuyukbo lung lakheah.

LUKNÜ ATHRÜTKHI THIYUSHEAK-ATSÜ HUHTANYU 8:35

Judüki arünü adünjikhi kheahpü yü tüsho Jisu kilim arü, tüsho amünean mebo chamachihkhi mihtsürü ju api lümkhi müsüa khim phuyubah Jisu jing ki binde ngü. Tüsho arübo trede alakheah.

YUNIRÜBO RHIMO 9:39

Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

YUZÜNGTHALO 34:3

dukulim, tüsho Jirikho jindükhünbo, ashidungbo lakhi kiutobo, Zoar khiungde.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

MAHKHAPRÜ 1:16

Kheakü Kenrü tsühsoniuso Mosa akü Hobab ju ashidung kiuto chingnü Juda mihtsürübo bebah Arad phüni Negeb ching lakhi Juda sunglo ching wutu. Tüsho arünü yübah Amalekrü lung laabah.