2 KIUTHSÜYUKHEAN 26:6 - AMÜSÜH HÜM CL Bible (BSI)

⁶ Apinü wukhiuk tüsho Filistiarü bede thirithsü, tüsho Gath chipi le Jabne chipi tüsho Ashdod chipi kingkheam; apinü Ashdod lomi ching tüsho Filistiarü bolung kiutobo thsü.

2 KIUTHSÜYUKHEAN 26:6 Iomraidhean Croise

2 SAMUEL 8:1

Kim anükhüh dunglim, Davidnü Filistiarü yan tüsho arü bukkhüp kamshih; Filistiarü khah chingnü Davidnü Metheg-amma lu.

1 KIUTHSÜYUKHEAN 18:1

Kim anükhüh dunglim, Davidnü Filistiarü yan tüsho arü kuk; apinü Gath tüsho ju kiulongbo Filistiarü kheaknü lu.

2 KIUTHSÜYUKHEAN 11:8

Gath, Maresha, Ziph,

2 KIUTHSÜYUKHEAN 21:16

Atungpuhnü Jehoram azhihde Sudanrü phünide alarü Filistiarü tüsho Arabrü bukakhiukshih.

ISAIA 14:29

Nüsa shikkhi tso zhakmonü dasühachih, nüsa Filistiarü alala, tümüde phuruto ying chingnü lokung phuruto akhiukbah, tüsho ju asokhinü aphinkhi amüzhak phuruto labah.

ISAIA 20:1

Asiria kiulongthsüpuh Sargonnü athiyikhi, akube-limthobuh ju Ashdod ching arü tüsho ju bede keochihbah alukhi kam ching–

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

AMOS 6:2

Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de?

JIHUSUA 15:11

aredung ju Ekron wung dukulim yükihbah, Baala wung hode Shekkeron lim kiklo, tüsho Jabeel khiung; tüsho aredung ju keto chingnü arün ah.

JIHUSUA 15:47

Ashdod tüsho Gaza, buhbuh kiutobo tüsho kiulongbo berubah la, ju Ijip aredung ke tüsho Mediterranean keto yean khiunglah.

1 SAMUEL 5:1

Küyimki Filistiarünü Thrünpuh sangdan yankhia lukhea, arünü ju Ebenezer chingnü Ashdod ching lubah arü;

1 SAMUEL 5:6

Atungpuh khah Ashdod mihtsürü kheak mülangde alakheah, tüsho apinü arü thsümüchi tüsho mü akhiukshih.