2 KIUTHSÜYUKHEAN 26:18 - AMÜSÜH HÜM CL Bible (BSI)

¹⁸ arünü kiulongthsüpuh Uzzia azhihde zhip, tüsho api ki tha, “Uzzia, Atungpuh kilim nünü kingaünpü yung, tüshe kingaün jihpü müsühkhitkhi Aron tsühsoniusobo amükeamrübo thsungkheak ah. Arüngakopung chingnü wukhiukang; tümüde nünü amülim rhimodo, tüsho Atungpuh Thrünpuh kilimnü nü kilim tümü akinashu lude marü.”

2 KIUTHSÜYUKHEAN 26:18 Iomraidhean Croise

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

2 KIUTHSÜYUKHEAN 30:7

Nüsa jipürü tüsho nüsa buhtsührünü Atungpuh arü Thrünpuh ki akin mülakhi nangde düla, junangde nüsanü angükhi nangde apinü arü zhikrangkhündo kamshih.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

JEREMIA 13:18

Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 3:10

Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 14:4

Tümüde Johannü api ki tha, “Nünü anihbe lupü yakzan müla.”

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

1 KORINT 5:5

ha mihtsürü Arimri kilim jihang, junangde pang ju athsümünimbah tüsho Atungpuh nimung ching api me khümkhitbah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

GALATIA 2:11

Küyimki Peter ju Antiok ching arükhea, inü api mikinü azhih, tümütüsho api ju mütsande amülim lakheah.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.