2 KIUTHSÜYUKHEAN 26:16 - AMÜSÜH HÜM CL Bible (BSI)

¹⁶ Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

2 KIUTHSÜYUKHEAN 26:16 Iomraidhean Croise

1 KIULONG THSÜRÜ 12:33

Api zangrünü akhukhitkhi khinu tizheah thürükheak phüngü nipü Bethel ching apinü athsükhi kingaün sadam lim wutu; apinü Israel mihtsürübo thsungkheak thünio akhukhit, tüsho rhümthüneabe jihpü api kingaün sadam lim wutu.

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

2 KIULONG THSÜRÜ 15:5

Atungpuhnü kiulongthsüpuh kheak shik, junangde api ashe khiungde apham kih, tüsho thüyam büthsükhi ching lakheah. Kiulongthsüpuh tsührü Jothamnü kiulongthsüpuh yam kheahde lomi mihtsürü ki yakzan shuhde alakheah.

2 KIUTHSÜYUKHEAN 12:1

Küyimki Rehoboam düküngde tüsho reangzahde akamkhea, api lung Israel alalanü Atungpuh yakzan bahyuk.

2 KIUTHSÜYUKHEAN 25:19

Nünü thachoh, ‘ Kheahang, inü Edom kukdo,’ tüsho nünü kükheangdo. Kheakü thüyam ching binang; nü tüsho nü lung Juda keampü thsüde tümü thsüpü nünü küpkhukpü asahcho?”

2 KIUTHSÜYUKHEAN 26:15

Jirusalem ching apinü ayeanzam rhimosorübonü athsükhitkhi külüp-yinchibo, hühzobo, tüsho lung atotobo kippü aheangsadambo tüsho amühitbo kheak zo. Tüsho api mungthu limshude yü, tümüde api reangzahde mükamyi khiungde tode rung.

2 KIUTHSÜYUKHEAN 27:2

Abuh Uzzianü arhimokhi nangde apinü Atungpuh miki alungki rhimo (apinü Atungpuh yam ching lang müyüzah). Tüshe mihtsürübonü judü lang athsümünimkhi rhimobo yan.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

DANIEL 11:12

Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

DANIEL 8:8

Jushu mihnu pung ju khide tode kam; tüshe api wu changkhi ching, ajuh atobe zhakabah, tüsho ju müthri ajuh phüyi akhiukbah thrip phüyi ching abina lakheah.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

WÜHKHE 16:1

Kheakü Levirü tsührü Kohath kheaknü atrükkhitkhi Izhar tsührü Kora, ju lung Eliab tsührübo Dathan tüsho Abiram tüsho Reuben kheak yo, Peleth tsührü On, arünü mihtsürübo bea lu;

WÜHKHE 16:18

Jumonü mihtsürü abannü nihbuh mophuru ching mo yukbah ju kheak arhümthüneabe yihkih, tüsho Mosa le Aron ane lung arüngkhimyam ripit ki zhip.

WÜHKHE 16:35

Tüsho Atungpuh kilimnü mo akhiukbahle arhümthüneabe jihrü mihtsürü 250 ju taksahabah.

WÜHKHE 16:7

shido Atungpuh miki jurü ching mo tüsho rhümthüneabe yukang, tüsho mihtsürü shepü Atungpuhnü mokhitbanü amüsühbuh labah. Nüsa Levirübo khide münchi hodo!”

WÜHKHE 17:5

Tüsho mihtsürü shepü tso inü mokhitbanü apungbah; junangde Israel mihtsürübonü nü azhihde dapdapkhi ju inü atukloshihbah.”

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh