2 KIUTHSÜYUKHEAN 25:8 - AMÜSÜH HÜM CL Bible (BSI)

⁸ Nüsanü yübah keochihpung ching mulong tode keochihchih she, Thrünpuhnü nüsa thiriri müngüh jipyuka bahbah, tümüde Thrünpuh kheak arungpü wu yungsho jipa bahpü lah.”

2 KIUTHSÜYUKHEAN 25:8 Iomraidhean Croise

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 18:14

Küyimki api kiulongthsüpuh ki arükhea, kiulongthsüpuhnü api ki tha, “Mikaia, isa Ramoth-gilead ching keochihpü yüba shi, dashi I müyüba?” Apinü alo, “Wutuang tüsho kukang; arübo nü khah ching jihbah.”

2 KIUTHSÜYUKHEAN 20:6

tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

2 KIUTHSÜYUKHEAN 26:7

Thrünpuhnü Filistiarü azhihde, Gur-baal ching lakhi Arabrü azhihde, tüsho Meunrü azhihde api rung.

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

JOB HU H T ANYU 9:13

Thrünpuhnü abukakhiukkhi mutuklo; kükheangküyang müshiprü api khüp chungthülangdo yaplah.

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MUNGSHIKHÜN 33:16

Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

MUNGSHIKHÜN 89:43

Nünü api thsühnukbo akeangkeang kamshih tüsho thirithsü ching api kukabahshih.

MÜCHITMUDU 10:22

Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

HAGGAI 2:8

Shotoyinchi I yo, tüsho suna I yo, Wuto Atungpuhnü thachoh.

MATHI 26:45

Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

FILIPI 4:19

Jisu Khrista ching api müretahkhi lakhit ayannü I Thrünpuhnü nüsa yihnüpü lüpdükhi jihbah.

MAHKHAPRÜ 7:7

Atungpuhnü Gideon ki tha, “ Khahnü khipa yungrü mihtsürü 300 hode inü nü khümkhitbah tüsho nü khah ching Midiarü jihbah. Mihtsürü püpürü alala nihbuh lapung lim tsoshang.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”