2 KIUTHSÜYUKHEAN 25:5 - AMÜSÜH HÜM CL Bible (BSI)

⁵ Amazianü Juda mihtsürü jimukhung, tüsho Juda le Benjamin alala arü jipürü gukbo ayannü arü kurungkheak chithürübo tüsho chibo wühkenorübo zojih. Apinü kam 20nü akumung azorü bemukhung, tüsho thirithsüpü thülünde amokhitkhi, thsüh tüsho tsung zhimkhukrü arü 300,000 yimkhit.

2 KIUTHSÜYUKHEAN 25:5 Iomraidhean Croise

1 KIUTHSÜYUKHEAN 13:1

Davidnü chithürü tüsho chi kumung wühkenorü, limberü abande keokhikeora.

1 KIUTHSÜYUKHEAN 27:1

Ha Israel mihtsürü, guk ching akubo, chithürübo tüsho chibo wühkenorübo, tüsho kam amuyung khinu abande achamnakkhi ayannü lüpdükhi ching kiulongthsüpuh tankihkhi khinlang, achamnak abannü akhekhi 24,000:

2 KIUTHSÜYUKHEAN 11:1

Küyimki Rehoboam Jirusalem ching arükhea, apinü kiulongthsü ngülopü Israel trük bede thirithsüpü Juda yamkhün tüsho Benjamin trük alala trüngmukhung.

2 KIUTHSÜYUKHEAN 14:7

Apinü Judarü ki tha, “Isanü harü kiutobo thsanü, tüsho ju rhübo, aheangsadambo, ripitbo tüsho akhrihbebonü mükamdoanü; alomi ju kheaküshe isa yo ah tümütüsho isanü Atungpuh isa Thrünpuh yimdo; isanü api yim, tüsho apinü isa kilim thrip abande mungtsü jih.” Jumonü arünü thsü tüsho akuk ngü.

2 KIUTHSÜYUKHEAN 14:8

Asa lung atoto tsungbo tüsho thsühbo shuhrü bonungrü 300,000, tüsho tsungbo le sanglüh shuhrü Benjamin chingnü bonungrü 280,000 lakheah; harü alala athrungrü thirithsürübo lakheah.

2 KIUTHSÜYUKHEAN 25:6

Apinü Israel chingnü she müzhakde athrungrü 100,000 shotoyinchi khahngak 3400 jihbah mulo.

2 KIUTHSÜYUKHEAN 26:13

Arü yukhüm khüp wu lade kiulongthsüpuh rungde thiriri bede keochihpü bonungrü 307,500 lakheah.

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

WÜHKHE 1:3

Israel ching kam muku tüsho akumung sherü keochih yükhuklanü Aron nükenü nihbuh bonungrü ayannü arübo kheang.

1 SAMUEL 8:12

tüsho apinü chithürü tüsho thünim kurungkheak wühkenorü mokhitbah, tüsho khürü api lu phünpü tüsho yimlushihpü, tüsho keochihbe tsungthsüh tüsho khora-lolungbe kukrukbo thsüshihpü mokhitbah.