2 KIUTHSÜYUKHEAN 25:23 - AMÜSÜH HÜM CL Bible (BSI)

²³ Israel kiulongthsüpuh Jehoashnü Ahazia tsührü, Joash tsührü Juda kiulongthsüpuh Amazia Beth-shemesh chingnü tholo; apinü anihbuh Jirusalem lim bede arü, tüsho Jirusalem chipi ju Ephraim Ripit kheaknü Amühit Ripit khiungde, adükeak khahnap 400 zahde kingkheam.

2 KIUTHSÜYUKHEAN 25:23 Iomraidhean Croise

2 KIULONG THSÜRÜ 14:13

Israel kiulongthsüpuh Jehoashnü Ahazia tsührü Joash tsührü Juda kiulongthsüpuh Amazia Beth-shemesh ching kuk; api Jirusalem ching arü, tüsho apinü Ephraim ripit chingnü amühit ripit khiungde khahnap 400 bande Jirusalem chipi yihkheam.

2 KIUTHSÜYUKHEAN 21:17

Arünü Juda azhihde atubah yüzah, tüsho arünü angükhi kiulongthsüpuh yam ching kukrukbo, api tsührübo tüsho api niubebo lubah tso, junangde api tsührü akheambuh Ahazia kheak hode tsührü maningshih.

2 KIUTHSÜYUKHEAN 22:1

Jirusalem ching larübonü api tsührü akheambuh Ahazianü api müthri kiulongthsürü thsüshih; tümüde bonungrübo Arabrü kheak binpung ching arürünü tsührü azorübo alala laksah. Jumonü Jehoram tsührü Ahazianü kiulongthsüpü tankih.

2 KIUTHSÜYUKHEAN 22:6

tüsho apinü Siria kiulongthsüpuh Hazael kheak keochihchoki Rama ching yurikhi mübo thsüngupü Jezreel ching alode arü. Tüsho Juda kiulongthsüpuh Jehoram tsührü Ahazianü Ahab tsührü Joram shorupü Jezreel ching yüki, tümütüsho api yuria lakheah.

2 KIUTHSÜYUKHEAN 25:22

Juda ju Israelnü kuk; mihbüm abannü thüyam lim alihde tso.

2 KIUTHSÜYUKHEAN 26:9

Uzzianü Jirusalem ching aheangsadambo Amühit Ripit ching, Jindükhün Ripit ching, tüsho Akiklo ching thsü, tüsho chipinü ayündo.

2 KIUTHSÜYUKHEAN 32:5

Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

2 KIUTHSÜYUKHEAN 36:6

Babilon kiulongthsüpuh Nebukednezarnü api azhihde atu, tüsho api Babilon lim bede ayüpü wuhrünliunü rhük.

NEHEMIA 12:39

ju chingnü Ephraim Chipiripit, Jeshana Chipiripit, Thüngüh Chipiripit, Hananel Aheangsadam, tüsho Chi Aheangsadam, ju chingnü Namfimihnu Chipiripit tüsho tsahde arünü Arüngyam Chipiripit kinü arün thsü.

NEHEMIA 8:16

Jumonü mihtsürübonü hande arübah arü yam kheak, thüyam ki, arüngyam yeande, Ke Chipiripit yean wungdo limro tüsho Ephraim Chipiripitbo ching yünshimbo thsü.

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

JEREMIA 31:38

Atungpuh thsungkheak Hananel Aheangsadam kheaknü Amühit Chipiripit khiungde kiuto thsülopü nimung tsükjide arado, Atungpuhnü thachoh.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

OBADIA 1:3

Nü mulong kükheangkhinü nü mülapyukdo, nü lungku ching larü, shepü lapung achang ching la. Nünü nü mulong ching tha, “Shenü I alo kheak bekhipü?”

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”