2 KIUTHSÜYUKHEAN 25:16 - AMÜSÜH HÜM CL Bible (BSI)

¹⁶ Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

2 KIUTHSÜYUKHEAN 25:16 Iomraidhean Croise

2 KIUTHSÜYUKHEAN 10:15

Junangde kiulongthsüpuhnü mihtsürübo ki mani tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh Thrünpuh lümkhi lakheah.

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 18:25

Judüki Israel kiulongthsüpuhnü thiyukhüm jih, “Mikaia bea lung, tüsho kiuto yo kovünor Amon tüsho kiulongthsüpuh tsührü Joash kilim belobah yüang;

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

2 KIUTHSÜYUKHEAN 24:21

Tüshe arünü api azhihde mülapyukde rhimo, tüsho kiulongthsüpuh yukhüm hode arünü api Atungpuh yam khikzhakpung chingnü rusah.

2 KIUTHSÜYUKHEAN 25:15

Atungpuhnü Amazia kheak bukakhiuk tüsho api kilim wukihrü khülang yüshihbah api ki tha, “Tümüde nünü nü khah chingnü arü mihtsürübo mübekhitkhukkhi mihtsürü thrünpuhbo yimkhea?”

2 KIUTHSÜYUKHEAN 25:17

Judüki Juda kiulongthsüpuh Amazianü keokhikeora tüsho Israelrü Jehu tsührü Jehoahaz tsührü kiulongthsüpuh Joash kilim thiyusheak yüshih, “Arang, thirithsü ching isa mironü miro shoruachihanü.”

ABEKHIT 10:28

Judüki Pharaonü api ki tha, “I kinü tsoang! Nünü I miro müngülopü mütsanang! Tümütüsho nünü I miro ngü nimung nü ashebah!”

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

MÜCHITMUDU 1:29

Tümütüsho arünü mükheahmudu thranean tüsho Atungpuh trepü mümokhit,

MÜCHITMUDU 1:30

arünü inü thsangdankhi müleangkhi tüsho inü athürühkhi bahyuk,

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 27:15

Inü arübo müthiyi, Atungpuhnü thachoh, tüshe arünü I mung chingnü akeangyu müchitchoh, ju hode inü nüsa yankhitbah tüsho nüsa le nüsa ki müchitrü wukihrübo dükheakbah.

JEREMIA 29:26

Atungpuhnü aküdah thsüde amükeambuh Jehoiada müthri nü amükeambuh kamshih, junangde makharü mihtsürünü wukihrü nangde ahorichoki, anihbuh yinchiliu ching yukde, yinchi-hunghingbe yukjihpü Atungpuh yam ching atorü labah.

JEREMIA 43:4

Jumonü Karea tsührü Johanan tüsho thirithsü limberübo alala tüsho mihtsürü alalanü Juda lomi ching lapü Atungpuh yu mani.

EZEKIEL 33:4

judüki khürünü hulipungpung düsheak sobah mukurhangsho, tüsho thiriri arübah arü lude tsosho, arü thiyih ju arü nihbuh ku kheak labah.

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

YUZÜNGTHALO 2:30

“Tüshe Heshbon kiulongthsüpuh Sihonnü isa muhoshih, tümüde khihni ha nangde, api nüsa khah ching jihpü Atungpuh nüsa Thrünpuhnü api me tüsho mulong müküpshih.

2 TIMOTHI 4:3

Thiyuro thsangyukhi mihtsürübonü marümkheampü kim arüchoh, tüshe nükhünbo rangrangde arü nihbuh künkhi ayede thsangyurübo bemukhungbah,

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.