2 KIUTHSÜYUKHEAN 25:14 - AMÜSÜH HÜM CL Bible (BSI)

¹⁴ Küyimki Amazianü Edomrü laksahkhi chingnü arükhea, apinü Seir mihtsürü thrünpuhbo lulobah arü. Apinü jurü anihbuh thrünpuhbo thsüde zhipshihbah arü ki mükhüm tüsho arü ki kingaünkhibo tak.

2 KIUTHSÜYUKHEAN 25:14 Iomraidhean Croise

2 SAMUEL 5:21

Ju ching Filistiarünü arü sangthsübo bah, tüsho David le amihtsürübonü lubah tso.

2 KIULONG THSÜRÜ 14:8

Judüki Amazianü Israelrü Jehu tsührü, Jehoahaz tsührü kiulongthsüpuh Jehoash kilim yunithsürü yüshihde tha, “Arang, isa mironü miro shoruachihanü.”

2 KIUTHSÜYUKHEAN 25:13

Tüshe Amazianü keochihpung ching müyüshihde athiyilokhi bonungrübonü Samaria chingnü Beth-horon khiungde Juda kiutobo yan; arünü jurü ching mihtsürü 3000 laksah, tüsho ayankhikhi kukruk ahihdo lu.

2 KIUTHSÜYUKHEAN 25:2

Apinü Atungpuh miki alungki rhimo, tütüshe thiyuro mulongnü yung.

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ISAIA 44:15

Jushu mihtsürünü mokhih thsüpü kuklah. Ha chingnü apinü lubah nihbuh thüyüpchoh; apinü mo takkihchoh tüsho yikhap damchoh. Jushu apinü thrünpuh thsüchoh tüsho kingaünchoh, sangthsü khülang thsüchoh tüsho ju miki khukningchoh.

ISAIA 44:19

Shenü mulong ching lümamükheah, yungsho mümükheahmudu yungsho anikhitde mütha, “Ha chamkhüh inü mo ching takdo; ha mokhihbo kheak inü yikhap she damdo, inü shih ngudo tüsho tsüh. Kheakü ha aningkhi inü athraneanbe kamshihba de? Inü sang-sümkhi miki khukningba de?”

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.