2 KIUTHSÜYUKHEAN 25:12 - AMÜSÜH HÜM CL Bible (BSI)

¹² Judarü bonungrünü püpü 10,000 arhangnü rambah Sela mujuk kheak bede yü, tüsho arübo Sela mujuk kheaknü jipkhia bah, junangde arü alala adütre kamabah.

2 KIUTHSÜYUKHEAN 25:12 Iomraidhean Croise

2 SAMUEL 12:31

Apinü ju ching larü mihtsürübo bekhit, tüsho arübo sangrhütbe le yinbean, awü shuhbah rhimoshih, yungsho arübo lotaklung zünpü yüshih. Hanangde apinü Amonrü kiuto alala ching rhimo. Jushu David tüsho mihtsürü alala Jirusalem lim alodarü.

1 KIUTHSÜYUKHEAN 20:3

Apinü ju ching lakhi mihtsürübo bekhit, tüsho sangrhütbe le thuwuh müzhean tüsho awübo shuhbah rhimoshih. Hanangde Davidnü Amonrü kiutobo alala kheak rhimo. Jushu David tüsho mihtsürü alala Jirusalem lim alodarü.

2 KIUTHSÜYUKHEAN 20:10

Kheakü kheahang, Amon, Moab, tüsho Seir awung mihtsürübo, küpü ching Israelrü Ijip chingnü akhiukchoki nünü müyüzahshihkhea, tüsho küpü chingnü arünü rholokhea tüsho müthsümünimkhea–

2 KIUTHSÜYUKHEAN 25:11

Amazianü mulong toa lu, tüsho anihbuh mihtsürübo bede yü; apinü Thimi Jindükhün ching yü, tüsho Seir mihtsürü 10,000 laksah.

2 KIUTHSÜYUKHEAN 25:13

Tüshe Amazianü keochihpung ching müyüshihde athiyilokhi bonungrübonü Samaria chingnü Beth-horon khiungde Juda kiutobo yan; arünü jurü ching mihtsürü 3000 laksah, tüsho ayankhikhi kukruk ahihdo lu.

2 KIUTHSÜYUKHEAN 25:15

Atungpuhnü Amazia kheak bukakhiuk tüsho api kilim wukihrü khülang yüshihbah api ki tha, “Tümüde nünü nü khah chingnü arü mihtsürübo mübekhitkhukkhi mihtsürü thrünpuhbo yimkhea?”

MUNGSHIKHÜN 141:6

Arü mahkhaprübo lungrhün ki jipa bahdo, tüsho arünü I yubo sochoh, tümüde jurübo niunglah.