2 KIUTHSÜYUKHEAN 25:10 - AMÜSÜH HÜM CL Bible (BSI)

¹⁰ Judüki Ephraim chingnü api kilim arükhi bonungrübo Amazianü thüyam lim alode yüshih. Tüshe arünü Judarü kheak khide bukakhiukde thüyam lim alode yü.

2 KIUTHSÜYUKHEAN 25:10 Iomraidhean Croise

2 SAMUEL 19:43

Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

1 KIULONG THSÜRÜ 12:24

“Atungpuhnü ha thachoh, Israel mihtsürü nüsa keoniorü bede keochihpü nüsa duwutu. Mihbüm aban thüyam lim yüshang, tümüde ha I lümkhi ah.” Jumonü arünü Atungpuh yu ani tüsho Atungpuh yu ayannü thüyam lim alode yü.

2 KIUTHSÜYUKHEAN 25:11

Amazianü mulong toa lu, tüsho anihbuh mihtsürübo bede yü; apinü Thimi Jindükhün ching yü, tüsho Seir mihtsürü 10,000 laksah.

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.