2 KIUTHSÜYUKHEAN 24:25 - AMÜSÜH HÜM CL Bible (BSI)

²⁵ Küyimki arünü api khitode yurijihbah atsokhea, api yamlarübonü anihbuh azhihde amükeambuh Jehoiada tsührü thiyih dünkheaknü ramde lümkhi thsü, tüsho arünü anihbuh yapkiu kheaknü api laksah. Jumonü api sheabah; tüsho arünü api David kiuto ching kiuyukabah, tüshe arünü api kiulongthsürübo kiuyukbo ching mübah.

2 KIUTHSÜYUKHEAN 24:25 Iomraidhean Croise

1 KIULONG THSÜRÜ 15:27

Issakar yamkhün chingnü, Ahija tsührü Baashanü api azhihde mulomülap; tüsho Filistiarü kiuto Gibbethon ching Baashanü api laksah; tümüde Nadab tüsho Israel alalanü Gibbethon yanpü thsüde alakheah.

2 KIUTHSÜYUKHEAN 21:16

Atungpuhnü Jehoram azhihde Sudanrü phünide alarü Filistiarü tüsho Arabrü bukakhiukshih.

2 KIUTHSÜYUKHEAN 22:6

tüsho apinü Siria kiulongthsüpuh Hazael kheak keochihchoki Rama ching yurikhi mübo thsüngupü Jezreel ching alode arü. Tüsho Juda kiulongthsüpuh Jehoram tsührü Ahazianü Ahab tsührü Joram shorupü Jezreel ching yüki, tümütüsho api yuria lakheah.

2 KIUTHSÜYUKHEAN 22:9

Apinü Ahazia yim; Samaria ching jikde alachoki arünü api ram tüsho Jehu kilim bede arü, tüsho laksah. Arünü api kiuyukabah, tümüde arünü tha, “Api Jehoshaphat tsührü-tsührü ah, apinü api mulong athrünkhinü Atungpuh yim.” Tüsho Ahazia yamkhün ching kiulongthsü yakzan shuhkhukpü thsüde she mülade alakheah.

2 KIUTHSÜYUKHEAN 24:16

Tüsho arünü api David kiuto ching kiulongthsürü bolung kiuyukabah, tümütüsho apinü Israel ching, tüsho Thrünpuh le api yam thsungkheak tsüde rhimo.

2 KIUTHSÜYUKHEAN 24:26

Api azhihde mülapyukrü ju Amonberü Shimeath tsührü Zabad, tüsho Moabberü Shimrith tsührü Jehozabad.

2 KIUTHSÜYUKHEAN 25:27

Amazianü Atungpuh kheaknü rholode atsokhi nimungnü arünü Jirusalem ching api azhihde mülapmüjide rhimo, tüsho api Lakish ching tsoabah. Tüshe arünü api dunglim mihtsürübo yüshih, tüsho ju ching api laksah.

2 KIUTHSÜYUKHEAN 25:3

Api khah ching kiulongthsü wu-sühmüh düküngde akam akede anihbuh abuh kiulongthsüpuh laksahrü atorübo laksah.

2 KIUTHSÜYUKHEAN 28:27

Ahaz nihbuh jipürü lung yap, tüsho arünü api Jirusalem ching, kiuto ching kiuyukabah; tüshe arünü api Israel kiulongthsürübo kiuyukbo ching hande müyüzah. Api tsührü Hezekianü anihbuh müthri.

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!