2 KIUTHSÜYUKHEAN 24:24 - AMÜSÜH HÜM CL Bible (BSI)

²⁴ Siria bonungrü nükde arürü she, Atungpuhnü arü khah ching bonungrü hihde jih, tümütüsho Judanü Atungpuh arü jipürü Thrünpuh bahyuk. Hanangde Joash kheak mahkhap.

2 KIUTHSÜYUKHEAN 24:24 Iomraidhean Croise

2 KIULONG THSÜRÜ 12:17

Ju kim ching Siria kiulongthsüpuhnü Gad bede keochihpü tüsho yankhia lupü wutu. Tüshe küyimki Hazaelnü Jirusalem azhihde awutupü amiro anguhkhea,

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

2 KIUTHSÜYUKHEAN 22:8

Küyimki Jehunü Ahab yamkhün kheak mahkhapde alakhea, Juda atorübo tüsho Ahazia keoniorü tsührübo Ahazia ki arürü apinü shoru, tüsho apinü arübo laksah.

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 30:17

Khülangnü amüneahmo chithürü tsobah, phüngünü amüneahmo nüsa awung mujuk kheak riphindung nangde tüsho awung kheak khuhtozhin khülang nangde maningyi khiungde ashanbah.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

LEVI 26:25

Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

LEVI 26:37

Nüsabo shenü müyande, nukshang müngüh tsokhi ruk khülangnü khülang kheak mürhemülüna mülade akambah.

LEVI 26:8

Nüsa phüngünü chi khülang yande müshambah, tüsho nüsa chi khülangnü chithürü thürü yande müshambah; nüsa riribo nüsa müngüh nukshangnü akeamshihbah.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

ZEPHANIA 1:2

Inü alomi chingnü lüpdükhi shahde phüta bahbah, Atungpuhnü thachoh.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?