2 KIUTHSÜYUKHEAN 24:21 - AMÜSÜH HÜM CL Bible (BSI)

²¹ Tüshe arünü api azhihde mülapyukde rhimo, tüsho kiulongthsüpuh yukhüm hode arünü api Atungpuh yam khikzhakpung chingnü rusah.

2 KIUTHSÜYUKHEAN 24:21 Iomraidhean Croise

1 KIULONG THSÜRÜ 21:13

Mihtsürü amütsü mahne azah tüsho Naboth mikhuh bin; tüsho mihtsürü amütsübonü Naboth azhihde mihtsürü mikinü tha, “Nabothnü Thrünpuh tüsho kiulongthsüpuh athrudo.” Jumonü arünü api kiuto aleanglim bekhit, tüsho api rusahabah.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

MUNGSHIKHÜN 94:21

Arünü thiyuro-lungkirü rhangdung azhihde rukhüh mukhungchoh, tüsho amülim mülarü sheshihchoh.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 20:2

Judüki Pashhurnü wukihbuh Jeremia shik, tüsho Atungpuh yam Benjamin Chipiripit akube ching lakhi rihyam ching zo.

JEREMIA 26:2

Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

JEREMIA 26:21

Tüsho küyimki kiulongthsüpuh Jehoiakim, api yo thirithsürübo tüsho atorü alalanü api yubo sokhea, kiulongthsüpuhnü api sheshihpü yim; tüsho küyimki Urianü ju sokhea, api trede kam tüsho Ijip ching tsokhide yü.

AMOS 5:10

Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

MATHI 21:35

Thulu-mücherünü api yamlarübo ram; arünü khülang lak, püpü laksah, tüsho asampü ju lungnü king.

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

IBRI 11:37

Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü.