2 KIUTHSÜYUKHEAN 24:15 - AMÜSÜH HÜM CL Bible (BSI)

¹⁵ Tüshe Jehoiada ashinbuhrü kam tüsho nimungbo khiungbah sheabah; api shechoki kam 130 azorü lakheah.

2 KIUTHSÜYUKHEAN 24:15 Iomraidhean Croise

THRÜNTAN 15:15

Kheakü nü a sühakhim ching nüsa jipürü lung yübah; nü a shinde labah kiuyuka bahbah.

THRÜNTAN 25:8

Abraham kutsüpde shinde labah sheabah, tüsho api mihtsürü kilim yü.

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

1 KIUTHSÜYUKHEAN 23:1

Küyimki David ashinbuhrü kamkhea tüsho nimungbo suhde alakhea, apinü atsührü Solomon Israel kurungkheak kiulongthsürü kamshih.

2 KIUTHSÜYUKHEAN 24:14

Küyimki arünü abankhea, arünü aningkhi sho kiulongthsüpuh tüsho Jehoiada kilim lubah arü, tüsho junü Atungpuh yam thsungkheak pungphurubo, mukhungmüdan tüsho taka kingaünpü thsungkheak pungphurubo, mopungphüh, tüsho suna le shotoyinchi kukrukbo thsü. Jehoiada nimungbo alala ching arünü Atungpuh yam ching taka kingaünkhi mutukzhakde jih.

2 KIUTHSÜYUKHEAN 24:16

Tüsho arünü api David kiuto ching kiulongthsürü bolung kiuyukabah, tümütüsho apinü Israel ching, tüsho Thrünpuh le api yam thsungkheak tsüde rhimo.

2 KIUTHSÜYUKHEAN 24:3

Jehoiadanü api thsungkheak niuberü 2 mokhitjih, tüsho api tsührübo le tsührübebo lakheah.

JOB HU H T ANYU 5:26

Nü ashinbuhrü kambah nü kiuyuk ching akheahmünchi ching hiphung rhimopung ching yukkhi nangde arübah.

MUNGSHIKHÜN 90:10

Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

MUNGSHIKHÜN 91:16

Kutsüp hode inü api reangkeamshihbah, tüsho api ki I akhümkhit huhbah.