2 KIUTHSÜYUKHEAN 24:14 - AMÜSÜH HÜM CL Bible (BSI)

¹⁴ Küyimki arünü abankhea, arünü aningkhi sho kiulongthsüpuh tüsho Jehoiada kilim lubah arü, tüsho junü Atungpuh yam thsungkheak pungphurubo, mukhungmüdan tüsho taka kingaünpü thsungkheak pungphurubo, mopungphüh, tüsho suna le shotoyinchi kukrukbo thsü. Jehoiada nimungbo alala ching arünü Atungpuh yam ching taka kingaünkhi mutukzhakde jih.

2 KIUTHSÜYUKHEAN 24:14 Iomraidhean Croise

1 KIULONG THSÜRÜ 7:50

pungbo, moyünbe, müsühmüra-phuru, rhümthüneabe thsungkheak phühbo tüsho suna müthsün moli-takpung; Khide Amüsüh Dangpung alunglim khimdopü thsungkheak tüsho suna arüngyam yamkhuh khiungshak khimdopü müchinkhibo.

2 KIULONG THSÜRÜ 25:12

Tüshe aheangrü wühkenobuhnü ju lomi ching zhochih traktrak mihtsürü kurungasolu tüsho thulu wochakshihpü aninga lashih.

2 KIULONG THSÜRÜ 25:15

Suna tüsho shotoyinchi müthsünnü athsükhi mophühbo tüsho müsühmüraphurubo, aheangrü wühkenobuhnü lubah yü.

1 KIUTHSÜYUKHEAN 23:31

tüsho amuni, khinu aso, tüsho akhukhitkhi thüniobo ching Atungpuh kilim taka kingaünkhi, arü khekhi yihnüpü ayannü mutuklode Atungpuh kilim jihchoki labah.

2 KIUTHSÜYUKHEAN 2:3

Solomonnü Tair kiulongthsüpuh Hiram kilim thiyu yüshih: “ Khülang ki nünü I buh David kheak tsüde lado tüsho api lapü thüyam thsüshihpü cedar sang mühahdo, junangde I ki rhimoang.

2 KIUTHSÜYUKHEAN 24:13

Jumonü rhimo putungrübonü düshihde bande yü, tüsho arünü Thrünpuh yam tsüde thsülo tüsho düküngde kamshih.

2 KIUTHSÜYUKHEAN 24:15

Tüshe Jehoiada ashinbuhrü kam tüsho nimungbo khiungbah sheabah; api shechoki kam 130 azorü lakheah.

2 KIUTHSÜYUKHEAN 31:2

Hezekianü amükeamrü tüsho Levirü chamnakbo, achamnak ayannü, amükeamrü tüsho Levirü abannü nihbuh tankihkhi yande, taka kingaün tüsho mungtsü kingaünbo thsungkheak, Atungpuh binpung ripitbo ching tankihpü, makshe jihpü tüsho mungshipü mokhit.

ABEKHIT 36:5

tüsho Mosa ki tha, “Atungpuhnü thiyukhüm jihkhi rhimopü mihtsürübonü yihnüpü kheak kihode hande arüdo.”

MÜCHITMUDU 27:22

Nünü makharü ju hi nangde ayihnü thsam ching chuchu she, anihbuh makhakhi api kheaknü müchamachih.