2 KIUTHSÜYUKHEAN 23:20 - AMÜSÜH HÜM CL Bible (BSI)

²⁰ Tüsho apinü chibo kurung wühkenorü, amükeamrü, mihtsürü yakzanshuhrübo, tüsho lomi mihtsürü alala bea lu, tüsho arünü Atungpuh yam chingnü kiulongthsüpuh bede yükibah akube ripit tsahhode kiulongthsüpuh yam lim yü. Arünü kiulongthsüpuh ju kiulongthsü-binkiu kheak binshih.

2 KIUTHSÜYUKHEAN 23:20 Iomraidhean Croise

2 KIULONG THSÜRÜ 11:19

Apinü chibo kurung wühkenorübo, mihaheangrü, lim-aheangrü, tüsho lomi mihtsürü alala bea lu; tüsho arünü Atungpuh yam chingnü kiulongthsüpuh bede aki, tüsho limaheangrü ripit limronü kiulongthsüpuh yam lim yü; tüsho apinü kiulongthsü-binkiu kheak bin.

2 KIULONG THSÜRÜ 15:35

Judüalalashe achang dangpungbo mulukde alakheah; mihtsürübonü judü lang achang dangpungbo kheak laksah-a kingaün tüsho rhümthüneabe tak. Apinü Atungpuh yam ripit akube thsü.

1 KIUTHSÜYUKHEAN 29:23

Jushu, Solomonnü abuh David müthri kiulongthsürü kamde A TUN GPU H kiulongthsü-binkiu kheak bin; apinü akuk ngü, tüsho Israel alalanü api ki mihyuani.