2 KIUTHSÜYUKHEAN 23:18 - AMÜSÜH HÜM CL Bible (BSI)

¹⁸ Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 23:18 Iomraidhean Croise

1 KIUTHSÜYUKHEAN 23:25

Tümüde Davidnü tha, “Atungpuh , Israel Thrünpuhnü api mihtsürübo kilim sühakhim jihdo; tüsho api Jirusalem ching lünnü lah.

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

2 KIUTHSÜYUKHEAN 29:27

Jushu taka kingaünkhi jihpü Hezekianü thiyukhüm jih. Küyimki taka kingaünpü tankihkhea, Atungpuh kilim khün thsüpü she tankih, tüsho Israel kiulongthsüpuh David yo kingzükingdobe bebah hulipungpungbo khung.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

2 KIUTHSÜYUKHEAN 35:2

Apinü amükeamrübo arü rhimobo ching yüzahshih tüsho Atungpuh yam tankihpü ching mulong toshih.

2 KIUTHSÜYUKHEAN 5:5

Junangde arünü sangdan, ashorupung khimyam, tüsho khimyam ching lakhi amüsüh pungphurubo alala hande atu; amükeamrü tüsho Levirünü jurü hande atu.

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.