2 KIUTHSÜYUKHEAN 23:16 - AMÜSÜH HÜM CL Bible (BSI)

¹⁶ Jehoiadanü api le mihtsürü alala tüsho kiulongthsüpuh dükeak arübo Atungpuh mihtsürü thsüpü tangzüng khülang thsü.

2 KIUTHSÜYUKHEAN 23:16 Iomraidhean Croise

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:14

Arünü düsheak atonü zhide, hulipungpung tüsho shihjuhbo mütde Atungpuh kilim thiyuchihchim khülang lu.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

EZRA 10:3

Jumonü I putungpuh ki lümlung-jihrü tüsho isa Thrünpuh yukhüm trede anirübonü ahuhkhi yande, isanü harü berü le arü tsührübo yana tsoshihpü isa Thrünpuh ki tangzünganü; tüsho ju yakzan yande rhimoshang.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

ISAIA 44:5

Khülangnü athabah, “ I Atungpuh yo,” püpü ju Jakob mungnü ajibah, kheaküshe püpü ju khah kheak thrütbah, “Atungpuh yo,” tüsho Israel mung jimulobah.