2 KIUTHSÜYUKHEAN 23:14 - AMÜSÜH HÜM CL Bible (BSI)

¹⁴ Judüki amükeambuh Jehoiadanü bonungrü chibo kurung wühkenorübo bede akhiukbah arü ki tha, “Alibe ju aheangrübo dükeak bekhitang; shepünü alibe dunglim yanbanü nukshangnü asheshihbah.” Tümüde amükeambuhnü tha, “Alibe Atungpuh yam chingnü düsheshih.”

2 KIUTHSÜYUKHEAN 23:14 Iomraidhean Croise

2 KIULONG THSÜRÜ 10:25

Apinü taka kingaünkhi jihkham akede, Jehunü aheangrü tüsho atorübo ki tha, “Azahang tüsho arübo laksahang; sheshe dütsokhishih.” Jumonü arü nukshangnü arübo laksah. Aheangrü tüsho atorübonü arübo jipkhita bah, tüsho Baal arüngyam alungbe ching yüzah.

2 KIULONG THSÜRÜ 11:15

Judüki amükeambuh Jehoiadanü bonungrü kurung zokhi wühkenorübo ki thiyukhüm jih, “Alibe ju aheangrü phu dükeak bekhitang, tüsho khürünü anihbe yansho nukshangnü laksahang.” Tümüde amükeambuhnü tha, “Anihbe A TUN GPU H yam chingnü dülaksah.”

2 KIULONG THSÜRÜ 11:8

Tüshe nüsanü athrip abande mihtsürü aban nihbuh khah ching thsühnuk shuhbah kiulongthsüpuh mükamdobah; shepü ju phünide arübanü alaksahbeah. Api arüchoki tüsho ayüchoki kiulongthsüpuh lung laang.”

2 KIUTHSÜYUKHEAN 23:13

tüsho küyimki alibenü akheahkhea, kiulongthsüpuh ju ayüzahpung anihbuh dungjing ki zhip, tüsho wühkenorübo le hulipungpung khungrü kiulongthsüpuh rheang ki zhip, tüsho lomi mihtsürü alalanü asühachih tüsho hulipungpungbo müt, tüsho khün thsürübonü arü khün-khungbebo shuhbah münchi bede ngü. Athalianü anihbe khimmih thorüp, tüsho zhi, “Mülapmüjido! Mülapmüjido!”

2 KIUTHSÜYUKHEAN 23:15

Jumonü arünü alibe ram; alibe ju kiulongthsüpuh yam Khora Ripit limro ching yü, tüsho arünü ju ching anihbe laksah.

ABEKHIT 21:14

Tüshe mihtsürü khülangnü lümkhi thsübah akhekhungnü khürü laksahsho, I kingaün sadam kheaknü bede tsoang tüsho laksahang.

EZEKIEL 9:7

Judüki apinü arü ki tha, “Arüngyam müneanjang tüsho khikzhakpung ju ashemibonü mishang. Yüang!” Jumonü arünü wukhiuk tüsho kiuto lüpdükhi ching laksah.